اكيد لاحظتوا ان مواضيع الأعراس دائماً ترتكز على العروس
وعلى لبسها ومكياجها واعصابها وصحتها و و و ...

والعريس المسكين ماحد جايب خبره..ماغير ادفع وانت ساكت..
(على بالك الدنيا فوضه) ..لذلك جرى التنويه التالي :

تضامناً مع اخواننا المعاريس المقبلين على الزوج واللي ماحد
معاهم في هذه المحنه الشاقه..أهدي اليكم هذه النصائح الملطووووشه:
واذا عندكم نصائح زيدوا عليها هادي كلها في مصلحتكم ياعرسان
المستقبل:

** قبل العرس بشهرين تأكد انك سويت الأشياء التاليه:

- حسابك بالبنك مغطى (مو تتوهق بكره وتقول ماقلتولي)
- حجز تذاكر السفر لشهر العسل.
- حجز الأوتيل في البلد اللي بتقضون فيه شهر العسل.
- خللي اختيارك رومانسي شوي..يعني روح انت وياها لمكان بعيد
جزيره نائيه..( فرصه تضيعهاوترجع لحالك كأنك ماتدري)
أو مكان جبلي وفيه هواء منعش مع هديه بسيطه(مش بسيطه أوي أوي)
تهديها لعروستك بأول يوم من شهر العسل وتجهيز كل الحاجيات لبيت الزوجيه.

** قبل العرس بأسبوع:

- لاتحلق ابد اسبوع كامل عشان تحلق يوم العرس تطلع تلق لبناني.
-استلم تذاكر السفر.
- تأكد من حجز الأوتيل.
-علق ثيابك في بيتك و تروح طرازان.
- ثوب العرس والبشت والغتره جاهزين.
- ادواتك الشخصيه كامله وجاهزه..( فرشاة اسنانك.ماكينة الحلاقه.عطوراتك.
كريماتك.ملابسك الخاصه.بيجاما+ روب النوم فوق البيجاما للكشخه)
- نظف وجهك بالبخارقبل اسبوع من العرس( علشان مايطلع وجهك منفخ يوم
العرس).
- احجز موعدك عند الحلاق علشان حلاقه ومساج والخ...

** يوم العرس:
- خذ كفايتك من النوم.
- بعد ماتقوم من النوم خذلك دش دافي تلاقيك من العيد للعيد ماتسبحت.
- روّق بالك وعقلك وفكرفي افكار حلوه ورايقه عشان ينعكس الروقان على وجهك.
- تغدى كويسلاتطيح عليهم بالعرس وتفشلهم..وعشا ء مافي!! لاتحلم انك تاكل عشاء
عشان تصير خفيف ياخفيف.
- بخّر ثوبك وبشتك وملابسك كلها اللي بتلبسها.
- روح لموعد الحلاقه وخليه يسويلك حلاقه معتبره ومساج علشان يروح اي ضغط
عصبي وريلاكس.
- البس ملابسك وتبخر وتعطر من افخم واحسن عطر.
- روح الحين لعرسك بدري موتحسب نفسك معزوم وتتأخر (يعنني اتغلى).
- سم بسم الله .. وشق هالإبتسامه خلها توصل ورا أذانك..ووجه نظرتك لعروستك اللي
بالكوشه(هذا اذا سوت فيك حركة نذاله وسبقتك للكوشه وجلست على الكرسي قبلك)
- اما اذا كنتم ماشين سوا امسك يدها بشويش مو تضغظ على ايدها كنك خايف وماسك
يدّ امك..ترى العروس بهذي اللحظه محتاجه كثير للحنان والاطمئنان ..حسسها بالحنان من
مسكة يدك ليدّها.
- لما توصل للكوشه ارفع الطرحه عن وجهها وبوسها مع جبينها.
- الحين اقعد على الكرسي وانتبه لاتقعد على كرسيها.
(واحد من الربكه بعد ماجلست عروسته كان يسلم على خواته وعماته وقام من وجلس
على عروسته وكل اللي بالصاله ضحكوا عليه .. بغى يطلق ذيك الليله من الاحراج)
- بعد ماتجلسون بيقدمونلكم عصير!!انتبه لازم تشربها من كاسك وهي تشربك من كاسها.
-وياريت تنتبه ولا تطيح العصير على فستانها..واذا لاسمح الله صار اضحك ضحكه هبلاء
وقول لها طيحي العصير على ثوبي وكذا نكون خالصين.
- وانت قاعد بالكوشه انتبه تستخف دمك وتسألها ميت هذي ؟؟ وهذي مين؟؟
(في واحد سأل زوجته وهم بالكوشه : مين اللي لابسه عدسات زرق وتضحك؟؟
من يومها وهي فاقده الثقه فيه)..يستاهل شين وقواة عين.
- بعض الأعراس يقومون العرسان للرقص مو تفشلهم وتقعد تردح وتستعرض مهاراتك على الناس
- لما يجي وقت التورته,,امسك ليدها وروحوا مع بعض..وخلها تمسك السكينه ويدك فوق يدها
(كذا الاتيكيت) وقطعوا الكيكه..وخذ بالشوكه قطعه صغيره علشان تقدر تاكلها
موتاخذ نص الكيكه بالشوكه وتقولها كلي!!
- ترزز للتصوير في كل لحظه.
- بس خلاص نادوا الناس للعشاء وكل واحد يروح بيته










قلنا خلاص وش منتظرين.




ايه صح غنوا معاهم....
ومباركين عرس الأثنين








لحظه:
ياأخي خليك رومانسي شوي وشيلها اذا دخلتوا البيت (خللي دمك خفيف شوي عشان تشيل
الحواجز بينكم ويروح الاحراج والخوف اللي بينكم ..وترى الضحكه رسول سلام بين المحبين)
وبارك الله لكما وبارك عليكما ومع بينكما بخير.

تحياتي,,
-