( حوار مضحك وشيق مع المذيع و إبليس )
بسم الله الرحمن الرحيم
السلام عليكم ورحمة الله وبركاته
نقدم لكم من قناة ( زفوت الجن ) مع الزفت المقدس للجن وهو ( إبليس ).
المذيع: يالمصور صور ضيفنا.
المصور: كيف أصوره وأهو مختفي مايطلع شكله للمشاهدين عاد من زين شكله.
إبليس: خل فمك مقفل ولا بأقص لسانك.
المذيع: عذرا أيها السادة والآن لنبدأ الحوار مع الزفت المقدس ماهو اسمك؟
إبليس: أنت حمار ولا وش توك قايل اسمي أنا أعظم جني في العالم أتحداك تلقى واحد مايعرفني من وجوه النحس إلي يطالعونني الحين طلع الزفت أنت والله.
المذيع: أقول إحترم نفسك الحين لآخذ الميكروفون وأكسربه راسك المتصدي.
إبليس: أفا وأنا أبو إبليسوه اسمع قابلني بعد مايخلص البرنامج عند أحد صناديق القمامة بأخليك تلحس القمامة وكأنها طعامك المفضل وتتخيس منها واسويلك سبلكس تكسر ظهرك وراسك.
المصور: الله يهديكم إنا الحين في برنامج ولا في شجار شوارع ولا وش رايكم أفزع مع واحد منكم؟
المذيع وإبليس: انقلع وخلك برا المشاجرة ولا بنخليك دودة.
المصور: على أمركم ( وهو خايف منهم ) والله بعد شوي إذا ماهجدوا بيجي الحوت المتوحش ( إلي أهو المخرج ).
وبعد شوي جاء المخرج وقال للمصور: حط إعلان حتى أفرق بينهم.
المخرج: الله يهديكم خلاص كل واحد يوقف المشاحنة.
المذيع وإبليس: وش دخلك أنت هذي مسألة شخصية انقلع ولا بنخليك ضفدع.
المخرج: أقول احترموا أنفسكم تراني عندي فزعات مثل( الأندرتيكر وكين وستيف )
المذيع: اخس وأنا أبو شيخة طلع عندك فزعات والله صارت قوية هذي أنا خلاص بأهجد بس خل عار الدنيا هذا أبو خشة يهجد.
إبليس: أفا وأنا أبو قروووووووون تراجع عن الكلام إلي قلته ولا بتشوف شئ ماشفته في حياتك بعدين أنت يالمخرج كم يبلغ وزنك من أطنان؟ ومنهم ( الأندرتيكر وكين وستيف)؟ أموت وأعرف الأجوبة! ولا أخليها أهجد بدال ماأموت.
المخرج: والله أنا يبلغ وزني 10 أطنان,وبشأن حديثك عن (الأندرتيكر وكين وستيف ) هم من أقوى المصارعين في العالم تعرفت عليهم بعد ماتغلبت عليهم في المصارعة وصرنا أصدقاء.
إبليس: الظاهر إن الفيلة تخاف منك ياأبو كرش.
المخرج: الله أكبر هذا أهو لقبي إلي قلته.
إبليس: حتى الأعمى يعرف إنك أبو كرش.
المذيع: هاهاهاهاهاهاهاهاهاهاهاهاهاهاهاها والله ضحكتوني والله العظيم تصلحون تكونون ممثلين كوميديين والله بموت من الضحك آآآآآآه ياناس إلحقوني ماني قادر أتحمل كل الضحك هاهاهاهاهاهاهاها وتحولت حالة الضحك إلى تألم لأنه يبي يروح للحمام ويقول بأعلى صوته: آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآه أبي الحمام ياناس ياناس وين الحمام تكفون علموني وين الحمام وإلي بيقولي بأعطيه ألف ريال والله العظيم.
وقالوا إبليس والمخرج والمصور في نفس الوقت ( طمعانين في الفلوس ):رح قدام سيده ورح للممر إلي على يمينك وتلقى على يسارك باب مكتوب عليه( الحمام ).
وانطلق المذيع بسرعة الصاروخ إلى الحمام ودخل فيه وبعد 5 ثوان سمعوا الناس إلي في داخل الاستوديو صوت عاد أنتم تعرفون هذا الصوت وانفجروا الناس إلي داخل الاستوديو من الضحك,وطلع المذيع من الحمام ووجهه يملأه الخجل.
إبليس: وش هذا إلي سويته يالمذيع أستغفر الله حتى أبو كرش مايسويها تقريبا يعني أهو في بعض الأحيان يسويها وتخلي الجبال تتهدم والأبراج تتحطم والكواكب تتدمر يعني بإختصار إلي يسويه ذه قنبلة نووية محد يقدر يسوي قنبلة أقوى منها تجي أنت وتسوي هذا إلي يسمونه..... ( كملوه من عندكم ) استغفر الله.
المخرج: أقول ياإبليس أحترم نفسك ويله خلونا نكمل البرنامج.
المذيع: والآن نستكمل برنامجنا,ماهي هوايتك المفضلة؟
إبليس: إغواء بني آدم.
المذيع: ياعيبك عيباه ماتستحي على وجهك ياأبو قرووووووووون تغوي بني آدم أستغفر الله.
المخرج: بدال ماتقول: ( ياعيبك عيباه ) قل: إغواء اخرطي.
إبليس: اخرطي فيك إن شاء الله ألحين الحوار بيني وبين المذيع يجي هذه الملقوف ( أبو كرش ) يتدخل بيننا جيل آخر زمن.
المخرج: أنا آسف يا( أبو قرووووون ) تقدرون تستكملون البرنامج.
المذيع: ماهو السبب الذي يجعلك تغوي بني آدم؟
إبليس: لأن الله طردني من رحمته وتوعدني بدخول النار.
المذيع: أحسن تستاهل يا( أبوقرووووون ) ياسلام أنا ألحين أتخيلك وأنت في النار.
إبليس: تسكت ولا بهذي النعلة.
المذيع: آسف أعذرني بس ياسلام أنت بتدخل النار وأنا بأرتاح منك يا( أبوقروون ).
وجات النعلة على وجه المذيع وحمر وجهه ورد عليه المذيع بنعلته وصاروا متعادلين.
المخرج: تعقلون ولا بأفترسكم وأخليكم طعامي.
المذيع وإبليس: بنعقل ياأبو كرش منفوخ.
المذيع: ماهي رياضتك المفضلة؟
إبليس: رياضتي المفضلة توني مختارها ألحين وإهي ضربك بالنعلة.
المذيع: ماهو حلمك؟
إبليس: آخ حلمي هو إدخال المخرج ( أبو كرش ) في السلة يعني بإختصار إدخاله في السلة بحركة ( سلام دانك ).
المخرج: ياسلام آخر عمري بأصير كرة سلة.
المذيع: ماهي أكلتك المفضلة؟
إبليس: الكراعين والقمامة.
المخرج: ياسلام ذكرتني بأكلتي المفضلة.
إبليس: سبحاااااان الله كل ماأجاوب على سؤال يرد علي هذا الحوت أقول ياحوت إذا ماسكت بتجي النعلة علي وجهك.
المذيع: هل تحب القراءة والدراسة.
إبليس: يع أكرههما.
المخرج: حتى أنا مثلك ياإبليسوه.
وجات النعلة على وجه المخرج ولكنه لم يتاثر وأنفتح فم أبليس بمقدار مترين.
المذيع: هل تحب الحاسب الآلي؟
إبليس: لا أصلا أنا ماأعرف الحاسب الآلي.
المذيع: بس فيه ناس يقرؤون هذا الحوار لأنه مدخل في الأنترنيت.
المخرج: والله في أي موقع.
المذيع: أنت ألحين المخرج وماتعرف شئ والله إن عقلك عقل صخلة.
المخرج: تكفى أبوس إيدك قلي في أي موقع.
المذيع: في منتديات ساندروز- منتدى التسلية والمرح وأرجو من الأعضاء الذين قرؤوا هذا الحوار أن يشكروا عبدالله الذي تعب على هذا الحوار.
إبليس: أنا طلبتكم أنكم تشكروه والمخرج معي.
المذيع: والسلام عليكم ورحمة الله وبركاته.

مع تحيات عبدالله