كان ياماكان... في قديم الزمان... في سالف العصر والأوان..

كان هناك فتاه تدعى رقيه..تتميز بجمال آخــــاذ..فهي الأقل شطوبا من بين
زميلاتها..واكثرهن بياض من الأكواع....ياااااااادي الأكواع البيضاء
حتى في القصص.. ..واقلهن اصفرارا بالأسنان..


وكانت تعيش حياه سعيده في مزرعتهم...وراح ابوها يجيب العلف من
المزرعه..حاول رفع حزمة العلف..وعندما رفعها وجد تحتها جنيه
بخت بوجهه..فخر صريعا ومات..

لحظــــه .... ابوها مامات ؟؟
اجل وشلون تصير لها مرة ابو؟؟

اذا فالذي راح للمزرعه يجيب العلف ومات ماكان ابوها.. طلعت امها
بس الترجمه ماكانت دقيقه...


توفيت ام رقيه...وشعرت بحزن غامر...ماتدري وش تسوي حياله..
وتصافقت بها الجدران!!

جاء ابو رقيه لبنته وقالها:
انا لازم اعرس...ماصدق على الله تو المرّه ماتت..

رقيه: على راحتك يبه.

ابوها: انا باخذ صيته ارملة ابو مناحي؟؟

رقيه: يبه! بس هاذيتس قشرا وشرانيه.

ابوها: لاااااااا هذي اشاعات.. وبناتها حصه ومزنه بيصيرون خواتس؟

رقيه: اللي تشوفه يايبه.

وبعد زواجهم بشهر...بدت زوجة ابوها وبناته تقل خاتمتهن...ويعذبون
برقيه ويحسرون بها المسكينه.

ضاق صدر رقيه وسكنوها على الدرج والأب ماله سنع وماعنده ماعند
جدتي <<<<<<< خخخخخخخخخ

بينما صيته وبناتها ساكنين بأحسن غرفه وتطل على حوش البقر<<<<
حاسين بالأرتباط معهم منذ نعومة اظافرهن...

دارت الأيام..والاّ ذاك اليوم االلي به حفله بالخب الشمالي..
امسويها حاكم الخب الشمالي حتى ينتقي عروساً له.

اقعدت رقيه تصيح ودها تروح ومرة ابوها صاكتن عليه شر صكه..
وتقول لبناتها اطلعوا واتركوها.

يوم صار بالليل..وتطلع ذيك الفاره.. ورقيه تلاحقها بالنعله تبي تقتلها..
اصرخت الفاره بقـــــــــــــــوّه وقالت:
اصبري وش بلاتس انتي ماتقرين قصص؟
رقيه: بلا قصص بلا همّ...الحين ابلختس بهالنعله افضخ راستس؟
الفاره: وش بلاتس انا فاره متجنسه<<< يعني فيها جني من اهل الأرض
رقيه : واذا يعني.. وش صار؟
الفاره:انا راح اسويلتس اللي تبين؟
رقيه : وش بتسوين يعني؟
الفاره: مثل القصه..ابخليك تكشخين وتطسين للحفله؟
رقيه: اهه عاد مابقى الاّ هي؟
الفاره: والله العظيم ... مستهينه فيني؟؟
رقيه: يالله وريني اذا انتي صادزه؟
الفاره:طيب جيبي لي عنز واربع دجاجات وقرعه؟
رقيه: راحت تجيب كل الأغراض.
الفاره: شرم برم هاكو جاكو دحفس لخجس يلعن ابوكو لوماطلعتوا اللي
فبالي..
الاّتصير القرعه كاديلاك...والعنز شغاله...وحدى الدجاجات سواق
والباقي حطوهمبالفريزر..
استانست رقيه وطارت من الفرح..اللللللللللللله ..بس ماعندي لبس البسه.
الفاره:نسينا نقولكم ان الفاره تحولت الى ساحره.
المهم سحرتها الفاره ولبستها ذاك اللبس.
التيور من مانجو..والجزمه من ميلانو...والشنطه من كرستيان ديور..
والبوك من جفنشجي..والساعه من سيكو..
استانست رقيه وركبت السياره وراحت للحفله.
الفاره: اسمعي الساعه احدعش لازم ترجعين تراني ماني مسؤله عن
اللي بيصير....فاهمه؟؟



دخلت رقيه للحفله... ولفتت نظر عليان ومناحي ووعزيّز .. وفتحوا
خششهم عليها من الدهشه والانبهار.

والأمير كان نازل ويطقون له طيران<< خخخخخخخخخخخ

نظر الأمير الى رقيه وقال: ماهذا الجمال اللي يشق الجبهه؟؟

تبسمّت رقيه واحمرت وجنتاها من الخجل وتشققت من الوناسه وقالت:
تسلم الله يخليك!
قال لها: ممكن ترقصين معي؟؟
رقيه:واخزياه والناس وش يقولون عني؟
الأمير: تكفين تراها قصه لاتخربينها <<< خخخخخخخخخخخ
رقيه: خلاص تم

ورقصت رقيه مع الأمير ونست الوقت.

وكانت الساعه عشر وثمان وخمسين دقيقه..طيط عند الاشاره تكون الساعه<<<
العفو نسيت..نرجع..

المهم..

انقزت رقيه وراحت تركض واثاريها لابسه زبيرية اخوها الصغير..لأن الجزمه
اللي جايتها لها الساحره ضيقه....لأن رقيه دبه
ركضت رقيه مع الدرج وتطيح نعلتها والأمير يركض وراها..وتكرفس على جبهت
وماقدر يمسكها.......المهم اخذ الزبيريه معه وعاد يجر اذيال الخيبه.

رقيه رجعت للبيت وهي مبسوطه..

واعلن الأمير انه سيتزوج من صاحبة الزبيريه.

من بكره انزلوا حاشية الأمير يدورون راعية الزبيريه... واكتشفوا ان نص
حريم الخب الشمالي نفس المقاس..والله البلشه<<<<< قالها الامير:
معقول بتزوج خبي؟
جاب مستشاره وقاله وش الحل؟؟
المستشار: ابد طال عمرك.. نشوف رجلين الحريم واللي مقاسها ست واربعين
تراها هي؟
وراحوا يدورون الحاشيه... واكتشفوا ان نص الحريم مقاساتهن تسع واربعين
ومافوق.
ويوم وصلوا بيت رقيه: صكت عليه مرة ابوها الغرفه اللي بأعلى الدرج.
لم تسكت رقيه فبدأت تصارخ وتصيح وتقول:
افتحوووووووووا لي؟؟


سمعها المستشار وقالهم:جيبوها لي؟
صيته:هذي خبله ماعليك منها؟
فال: ماهو شغلتس .. جيبيها بس...وبلا كثر حتسي؟
صيته:سم طال عمرك!!

وتجي رقيه وتلبسها والاّ هي قدها بالتمام..واستانس المستشار وراح يبشر
الامير...
وتمت مراسم الزفاف وتزوجوا وماصار شهر الا وتطلقوا ,,

لاحول ولاقوة الابالله.



ملاحظات هااااااااااااااامه:
_ ترى القصيم ماعندهم حفلات اختلاط...لاتورطوني..مالي شغل

_ ترى القصه طويله اقطعوا النت واقروها على راحتكم...تلافيا لانتهاء الاشتراك
تو الناس كان قلتيها من بدري..خخخخخخخخخخخخخخخخخخ

_ ترى القصه ملطوووووووووووووشه.