كيف تمشين زوجك

في اول ليله زواج وريه العين الحمرا خليه يسكنك في افخم اوتيل واطلبي كل الاكل حتى
لو ما اكلتي بس نحاسه من اول يوم خسريه طبعا بقولك انتي تامرين امر وهو وده يذبحج
2-نصيحه لاتستحين ترى الحياء ما منه فايده بعدين يصير يستقوي عليج ..اذا قال كلمه ردي عليه بعشر
3-الحين نجي للسفر اذا سافرتي شري هدايا لاهلك كلهم فردا فردا لاتنسين احد وقولي هذا طبع عندنا
خليه يعرف انك بنت عز (ولو انك بنت فقر )
4-خليه يجيب لك شغاله وسواق ولا تبينه يخليك تنفخين فهالبيت ؟؟ بعدين روحي للسوق وتسوقي لين تقولين بس ..
5- فاتورة جوالك اذا كان عندك جوال سابقا حولي البريد عليه وسعي صدرك كلمي كل اللي تبين
حتى لو اهلك اول شارطين عليك شروط انا الفاتوره ما تتعدى سعر معين انت ما عليك منه خليه تصك الاف.
6- تدلعي عليه وقولي انا ما اعرف اطبخ تبي تاكل خل الشغاله تسوي ولا جب من مطعم .
وتدرين وش اخرتها ( بيعرس على الشغاله )
7-اعزمي صديقاتك واهلك عندك دائما ومدي لهم سفره من هنا لهناك وعلى حسابه .. لاترحمينه ابدا ترى الدلع ما ينفع
8- خليه يفتح لك حساب في البنك ويحط مصروف شهري خاص فيك ما تصرفين الا على نفسك
المصروف لايقل عن 500 دينار حتى لو كنتي موظفه ...وسعي صدرك الدنيا فانيه وانا اخوك ..
9- دائما الفي عليه كلام وقولي فلانه ماشاء الله على زوجها توه جايب لها ساعه الماس تجنن
وعلانه جايب لها طقم وانا بعد ابي مثلهم ..
10- كل صيفيه خليه يسفرك قولي انا متعوده اسافر حتى لو ما قد طلعتي برا ديرتك ..
و ترى العود من اول ركزه وانا اخوك ..
11-لاتخلينه يسهر برا البيت له يوم في الاسبوع فقط عشان تفتكين منه بعد ويستحسن
انه يكون يوم الخميس والسهر لين وحده بالليل بس ..
12-ازعلي وقلبي عليه اذا ما نفذ لك طلب ودموع التماسيح الله الله فيها تراها تفيد احياناً..
13- لاقد تمدحين وحده عنده بيصير يسالك عنها واذا قالك وشلون فلانه قولي موشغلك
وحطي اصابعك في عيونه تعرفين ما ينعطون وجه ..

ملاحظه
لاتبلشيني اذا تطلقتي وتقولين اناالسبب لا يا اختي شوفي انت وش مسويه والخوافه ارجوها لاتقرب هالنصائح