ضيفنـا لهذا الأسبـوع المتميز حيــران

**محمد العربي** · 19-09-2004, 03:50 PM

الرد: ّ¤؛°`°؛¤ّ,¸ ضيفنـا لهذا الأسبـوع المتميز حيــران ّ¤؛°`°؛¤ّ,¸

اضيف في الأساس بواسطة حيران

الطول : حوالي 174سم

الوزن : 58كجم (هيكل عظمي خالص)

فصيلة الدم : +B

اللون : لاهو حنطي ولاهو ابيض مدري وش يبي بالنص

والله ماشاء الله عليك أخوى حيـران ..

وعرفنا وزنك وطولك ..

وفصيلة دمك ..

وياريت لو ترسل عينة من فصيلة الدم

عبر البريد السريع

بشوفك جاوبت على كل الأسئلة ..

بس الله يعينك على القادم ..

قوى قلبك ..

وحضر شعورك ..

وابتســــــــــم

**~المسكين~** · 20-09-2004, 01:00 PM

الرد: ّ¤؛°`°؛¤ّ,¸ ضيفنـا لهذا الأسبـوع المتميز حيــران ّ¤؛°`°؛¤ّ,¸

ماشالله عليك خيووو حيران

والله لك خلق تجاوب

لو انا جان انحشت لووول

يعطيك الف عافية خيوووووووووووووووووووو

و انشالله يرحمونك عقب هالصيحه و الاسئله و الاجوبه اللي انا تعبت و انا اقراها لوول

[ALIGN=CENTER][/ALIGN]
و تستاهل اجمل باقة ورد

تقبل تحيات اخوك ~المسكين~

**بدر الرياض** · 20-09-2004, 01:09 PM

الرد: ّ¤؛°`°؛¤ّ,¸ ضيفنـا لهذا الأسبـوع المتميز حيــران ّ¤؛°`°؛¤ّ,¸

الأخ العزيز حيران .. الله يعطيك العافية وماقصرت على كل الردود الجميلة التي قدمتها وكلك ذوق عزيزي.

أتمنى لك التوفيق في جميع جوانب حياتك . مع كل الحب

اخوك

Star Light

**أبو زياد** · 20-09-2004, 11:02 PM

الرد: ّ¤؛°`°؛¤ّ,¸ ضيفنـا لهذا الأسبـوع المتميز حيــران ّ¤؛°`°؛¤ّ,¸

بسم الله الرحمن الرحيم

السلام عليكم ورحمة الله وبركاته

ورجعنا لكم من جديد عشان نبدا معكم رحلة جديدة من الاعترافات

وأحب بالبداية أشكر كل من

أخوي محمد فول

وأختي بنت الشام

وأختي زيتونه

وأخوي بو جاسم

وأخوي ستار لايت

لتعقيبهم الجميل وروحهم الطيبة

ولأني مطوّلها كالعادة

بنبدا على طول مع أسئلة أخوي الندابي

ولاحظوا أنها كم سؤال على الماشي !!

أجل لو أنك مستقعد كان وش بيصير ؟!!!!

أشوى أنك ما استقعدت

ولتسهيل الاطلاع نسخت الأسئلة وتلقون جواب كل سؤال بعده مباشرة

وأشوفكم آخر الإضافة ...

7

*منو اكثر واحد يفهمك في العايله كلها .. !! .. وليش ؟؟

الوالدة الله يحفظها , لأنها دائماً تحس باللي فيني من غير ما أقول

الله يحفظ الجميع لأهلهم ويحفظ أهلهم لهم

*منو ياللي تحب تسمع له .. سواء نشيد . غناء ؟؟

بصراحة أسمع لتشكيلة منوعة من الفنانين العرب كلهم عسى الله يعفو

وفترة طحت بالغربي لكني أكتشفت أني ما أصلح له ولا هو يصلح لي !!

لكن أن طلبت أفضلهم عندي فبصراحة محمد عبده

*منو قدوتك في الحياه .. !! وليش ؟؟

قدوتي في الحياة واللي أحـــاول نعم أحاول وأجاهد نفسي عشان أقتدي به

هو سيد الخلق نبينا محمد عليه أفضل الصلاة والسلام

*اذا شفت احد يغلط في يوم .. هل بتنصحه ولا بطنش ؟؟

الصراحة حسب الشخص نفسه وحسب الغلط وحسب الوضع ككل !!

*عدد لي كل الرسوم ياللي شفته وانته صغير لين الحين ؟؟

ههههههههههههههههه , والله بأحاول أفرّغ الذاكرة وأعصر مخي شوي بسم الله ...

عدنان ولينا , هايدي , سالي , فلونة , كابتن ماجد , الليث الابيض , كعبول , قرندايزر , ليدي , رامي , السنافر , أرض العجائب , ماوكلي , بسيط , حكايات عالمية , وفيه واحد رهيب تمنيت يعيدونه بس للأسف ما عادوه والظاهر أسمه الأحلام الذهبية , وطبعاً اللي معها بنفس الفترة , لكن هذا اللي يحضرني الحين

وأكيد فيه الأجنبية توم آند جيري , بنك بانثر , وذاك اللي يقول ( بيب بيب )

وبغيت أنسى بايونك سقس <<<< شفته سبع مرات وكنت أحلم أصير مثلهم

الله يسامحك بس على ذا السؤال هههههههههههههه

* شو رايك بالمنتدى؟ولماذا ؟؟

( الحكم على الشيء فرع على تصوره ) هذي مقوله تعلمتها من دكتور بالجامعة وصارت مبدأ لي في الحكم على الشي ولا هوب أنا اللي أقيم المنتدى لأن ما عندي التصور الكافي والمنتدى أكبر من التصور اللي عندي بكثير

والشي الوحيد اللي متأكد منه أني في قمة السعادة معكم , وإذا تقصد وش اللي يضايقني

فمثل ما تعبتني بالاسئلة بقولك أطلع دوّر في إضافتي فوق وتلقى الجواب

*ومن تفتقد فالمنتدى؟؟

كل من غاب عن المنتدى منكم راح أفقده بدون مجاملة

وفيه ناس حالياً ولظروفهم الخاصة بدأوا ينقطعون لفترات وأفتقدهم بصراحة وهم

أختي زهرة

وأخوي سلوووم

وأخوي أوين

والله يحفظهم ويردهم بالسلامة

*امنو في رايك افضل وانشط عضو فالمنتدى؟؟((من دون مجامله))

بصراحة وأعتقد الجميع يوافقني الرأي

أختي زهرة

طبعاً من غير قصور أو إنقاص بالآخرين

لكن زهرة تجدها في كل زوايا المنتدى تقريباً

*شو حكمتك فالحياه؟؟

صراحة أكثر من حكمة ...

العــلم يبني بيوتاً لا عماد لها ,,, والجهل يهدم بيت العز والشرف

ومن يتهيّب صعود الجبال ,,, يعِش أبد الدهر بين الحفر

وفيه حكمة بليغة جداً وأضعها أمام عيني ...

إن أنت أكرمت الكريم ملكته ,,, وإن أنت أكرمت اللئيم تمردا

*شو امنيتك فالحياه؟؟

الاستقرار

*اذكر لنا اسعد موقف؟؟((شرط انك تذكره))

لحظات التخرج كانت من أسعد لحظاتي

*اكره موقف صار لك؟؟((شرط انك تذكره))

فقدان إنسان غالي علي

وفيه موقف كان أصعبها وإذا تبغى تعرفه

اطلع فوق الله لا يهينك وبتلقاه

<<<<< الى الحين معــزّم يتعّـبك خخخخخخخ

*وشو رايك باسألتي !!؟

ارهابية !!

*شو رايك بــالندابي!!!!((بدون مجاملات))

ارهابي خخخخخخخ

صراحة إنسان خلوق ويحترم الطرف الآخر وما شفت منه الا كل الخير

وأنا على ثقة أنه عنده من الصفات الحميدة الكثير لكن الفرصة ما سمحت لي بمعرفتها

وشي أكيد أنه شخص تشرفني معرفته

*كم وحده او واحد عندك فالماسنجر,((شرط الاجابه))

كلهم على بعضهم ( 26 ) بدون تفصيل !!

* شو اكثر مادة تكرها و كسلان فيها ؟؟

كنت أكره مادة التاريخ مدري ليه وما أواطنها

أحسها مادة ثقيلة دم عشان كذا ما كنت أعطيها وجه

* و شو اكثر مادة تحبها و تستمتع في مذاكرتها ؟؟

بتستغربون الحين لأني بصراحة أحب الرياضيات

لأنها تشغّل المخ مضبوط

* شو اكثر شىء تكره في الدنيا ؟؟

الحقد والأنانية والغدر والخيانة والتجاهل

وقبلها كلها

الـكـــــــــذب

ما أحب أحد يكذب علي !!

* و خبرنا متى حسيت انك اغبى شخص في العالم ؟؟ و ليش ؟؟

كل لحظة فشل أمر فيها يجيني هالاحساس مدري ليه

*شو احلى و اغلى هديه وصلتك ومن منو ؟؟

ساعة من الوالدة الله يحفظها

<<<<< ما فيه أمل تجيه سيارة مثلاً

*شو هاليوم اللي مابتنساه طول عمرك ؟؟

أي يوم تعيـــس

* شو اكثر شيء تشتاقله الحينه ؟؟

أيام الطفولة أتمناها ترجع لو أسبوع بـــــــــس

*شو هالمكان اللي تحب تكون فيه بروحك ؟؟

دايم إذا رحت البحر ودي أصير لحالي

*شو من النوادي تشجع ؟؟

الهلال

* هل تعتقد انه اسألتي صعبه عليك ؟؟ وليش ؟؟

عسل لأنها منك

* ليش ما تفتح لك موقع خاص .. بكل صراحه .. هل تعتقد انه سهل ولا صعب ؟؟

عساني أعرف أكتب موضوع وأضيف رد

تبغاني أفتح موقع .... إنســــــى !!

* الحين نفسك في شو ؟؟

أني أروح أنام !!

* شو رايك بشباب اليومين هذيلا ؟؟

حلوين وطيبين !!

* شو رايك ببنات اليومين هذيلا؟؟

حلوين وطيبين !!

* شو الشي اللي تحبه وتكرهه في نفس الوقت ؟؟

الـنــــوم

لأنه يضيع علي مصالح بعض الأحيان

وألا أكيـــــــد كلنا نحبه

* شو الشي اللي على بالك وصل الحين ؟؟

اني ودي أقابلك أبغى أتفاهم معك !!!

<<<<< ناويك بشر خخخخخخخخخ

* منو الشخص اللي يوم تشوف رقمه ما ترد ؟؟ .. وليش ؟؟

اللزقة والمصلحجي >>>> ( راعي المصالح )

* ليش الانسان بطبعه طماع ..!!

الطبع غلاب وأنت قلتها طبعه وهذي طبيعته

ليش تعتقد ان اسئلتي تغلط الواحد ؟؟

أ - لانها مبعثرة ...

ب - لانها غير مرتبة ....

ج - لانها تحتاج الى ترتيب ..

لوووووووول

د - جميع ما ذكر أعلاه بالاضافة الى لوووووووول !!!

* تصدق اني مليت منك !! .. يالله اقلب وجوهك ..*شو ردكم الحين عليه ؟؟

أبشر ولا يهمك من عيوني بس أخلّص الأسئلة

* لو لقيت انسان او انسانه وقال انه معجب فيك .. شو بترد عليه وشو بيكون شعورك !! .. وخاصه انك تعرفه معرفه جدا قويه ؟؟

بقوله وأنا كذلك

ومن حطني بعيونه قدره فوق راسي

* اذا لقيت واحد يوعان وعندك قطعه خبر .. وهيه معفنه .. هل تعطيه اياها ولا تخاف على صحته ولا تعطيه اياه؟؟

على حسب الشخص !!

* متى اخر مره زرت مريض ؟؟

للأمانة قبل ( 3 ) أسابيع

* هل في شي رفع ضغطك في اسألتي؟؟

قلت لك عسل لأنها منك

* اي قناه تحب .. وليش ؟؟

اطلع فوق وتعرف خخخخخخ

* هل تحب الاخبار ولا تكرهها ؟؟

راجع إجابة السؤال السابق خخخخخخ

<<<<<< قاعد يقول جزاك يالندابي

* ليش الاوضاع تزداد سواء اكثر واكثر في العالم السلامي على حسب توقعاتك ؟؟ .. وهل تعتقد انك كفرد راح تسوي تغيير في الوقت الراهن ؟؟

صراحة سؤالك هذا إجابته يبغى لها مجلدات لكني أعتقد أن الغفوة بشكل عام واللي مخيمة على الجميع وأنا أولهم هي السبب ... عسى الله يعفو ويغفر ونصحى من غفوتنا هذي

وأنا أو أنت أو أي واحد مننا ما أعتقد أنه بيذخر أو بيبخل بأي شي ممكن يقدر عليه عشان دينه

وكلٌ حسب قدراته ولا نستهين بأي شي

..........

الحمد لله على السلامة

أبشّركم خلصنا

وعذراً للإطالة مرة ثانية

وكله منك يالندابي

وصدقاً صدقاً أشكرك من كل قلبي مع أنك نشّفت ريقي بالاسئلة

لكني فعلاً استمتعت في تـنـقلي بينها

فشكراً لك ولباقي الأحبة دون استثناء

وتقبلوا جميعاً خالص الحب والتقدير

**عزوز بولند** · 21-09-2004, 12:33 AM

الرد: ّ¤؛°`°؛¤ّ,¸ ضيفنـا لهذا الأسبـوع المتميز حيــران ّ¤؛°`°؛¤ّ,¸

هلا اخوي المتألق حيران ومنورنا دايما وأبدا بمواضيعك وأطروحاتك

اخر كتاب قرأته شنووو؟
وياليت تذكر لنا قصة تأثرت بها كثيرااا؟
مسلسل كرتوني مولع بها جدا ماهوو ؟
مبارة وهدف لا تنساها أبدا؟
مسلسل و فيلم وقناة تحرصث على مشاهدتها ؟
أمنيات تتمنى ان تتحق للعالم الاسلامي ؟
مع خالص حبي وتقديري
عزووووووووووووووووووووووووووووز مر من هنا

**أبو زياد** · 21-09-2004, 02:30 PM

الرد: ّ¤؛°`°؛¤ّ,¸ ضيفنـا لهذا الأسبـوع المتميز حيــران ّ¤؛°`°؛¤ّ,¸

السلام عليكم ورحمة الله وبركاته

كيف حالكم اليوم ؟؟

وأخباركم جميعاً ؟؟

عساكم مرتاحين إن شاء الله ؟؟

وتدرون أني مبسوط اليوم

لا وفي قـمّـة السعادة بعد

لأن فيه عزيز على قلوبنا غاب عنّـا لظروف أحزنتنا كلنا

وبفضل من الله سبحانه تيسرت أموره

واليوم أبشّركم رجع

رجع وما تتصورون حجم الفرحة اللي رجعت معه

لأنه الإنسان اللي أستحلّ وتـمّـلك مقعـده الخاص من مقاعد الحب والاحترام

في قلب كل من يعرفه بكل جدارة واستحقاق

ومن اللي ما يعرفه وهو الغالي عـزوز بولـند

فيا هلا ومرحبا بالغالي عزوز والحمد لله على السلامة

وأنت والله اللي نوّرتنا برجوعك الكريم لنا بالسلامة وسعادتنا فعلاً ما لها وصف

وعساك والقارئ الكريم وكل الأحبة بخير دائماً والله يكفيكم كل شر

وأشكرك من كلّ قلبي على مشاعرك النبيلة والأصيلة

وشكراً لك أيضاً على الأسئلة الجميلة

واللي بستأنف فيها رحلة الاعترافات مرة ثانية

وبسم الله نبدأ

وراح يكون جواب كل سؤال خلفه مباشرة مثل آخر مرة ...

7

اخر كتاب قرأته شنووو؟

الكذب خيبة , لأن لي أكثر من سنتين ما أشوف إلا معاملات وألا جرايد !!

وآخر عهدي بالكتب أيام الكلية , وللأسف كلها طارت من راسي ولا عاد أذكر منها شي !!

وياليت تذكر لنا قصة تأثرت بها كثيرااا؟

القصص كثيرة لكن آخرها قصة ( محمد الدرة )

فعلاً هذيك القصة هزتني وهزة العالم كله

وما زالت آثارها بالنفوس الى اليوم

مسلسل كرتوني مولع بها جدا ماهوو ؟

ههههههههه ليه معزمين على الاحراج

من زمان عن التلفزيون والله

لكن عشان ما أكذب كنت من فترة مدري كم هي تحديداً

أحرص على مسلسل أسمه ( تيمون وبومبا )

وأعتقد كان على قناة ( MBC )

مبارة وهدف لا تنساها أبدا؟

مع أني هلالي لكن فيه مبارة لا تسألني عن وقتها بالضبط

اللي أذكر أنها كانت بين الهلال والنصر

تقدم الهلال بالشوط الأول وواصل التقدم الشوط الثاني الى ( 4 ) أهداف

وفجأة تنقلب الآية ويخسر الهلال ومدري كم كانت النتيجة بالنهاية

لكنها المباراة الوحيدة اللي قعدت في راسي إلى يومك وعجزت أنسى أحداثها !!

مسلسل و فيلم وقناة تحرصت على مشاهدتها ؟

المسلسل الانجليزي ( الأصدقاء )

وفيلم ( اللعبة ) ولا تسأني عن أسم البطل والله ما أحفظ أساميهم !!

والقنوات اللي دايم أتابعها ( MBC ) الأولى والثانية

<<<<<<< متعصب للقناة

أمنيات تتمنى ان تتحق للعالم الاسلامي ؟

اللهم أعـزّ الاسلام والمسلمين

وأذلّ الشرك والمشركين

ودمّـر أعداء الدين

اللهم آمين يا رب العالمين

هذا ما أتمناه من كل قلبي

.........

والحمد لله على السلامة مرة ثانية أخوي عزوز

واعذرنا إن حصل تقصير بالاجابات

وتقبل أنت وكآفة الأحبة الكرام خالص التقدير والاحترام

**محمد العربي** · 21-09-2004, 03:06 PM

الرد: ّ¤؛°`°؛¤ّ,¸ ضيفنـا لهذا الأسبـوع المتميز حيــران ّ¤؛°`°؛¤ّ,¸

اضيف في الأساس بواسطة حيـــران

آخر تعديل بواسطة حيران في اليوم الساعة 02:46 PM.

السبب: نـسـيـت الـقـلـم ورجـعـت آخــذه ... خخخخخخخخخ

هههههههههه

لا تعليـــــــــــق

**محمد أمين** · 22-09-2004, 08:18 AM

الرد: ّ¤؛°`°؛¤ّ,¸ ضيفنـا لهذا الأسبـوع المتميز حيــران ّ¤؛°`°؛¤ّ,¸

رجعتلك أخي الحبيب حيران مع المجموعة الثانية مع الأسئلة , و أن شاء الله يعجبوك ..

و نبدا بسم الله ..

1- متي بدأت أستخدام الكمبيوتر؟
2- أختر واحد من هؤلاء لتستخدمة بقية عمرك و تتخلي عن البقية (الكمبيوتر و الأنترنت - التلفزيون- الموبايل - الجرائد و المجلات) ؟

3- لو قالوا لك سوف تعيش طوال عمرك في جزيرة نائية , اختر خمسة أشياء تاخذها معك و شخص واحد ؟ فما هي الأشياء و من هو الشخص؟

4- طريقة سفرك المفضلة ... (بحري - جوي - بري) أختر
5- ما هو الحيوان المفضل لك؟

أتمني أن تكون أسئلة خفيفة و لي عودة مع المجموعة الثالثة أن شاء الله

**أبو زياد** · 22-09-2004, 03:47 PM

الرد: ّ¤؛°`°؛¤ّ,¸ ضيفنـا لهذا الأسبـوع المتميز حيــران ّ¤؛°`°؛¤ّ,¸

السلام عليكم ورحمة الله

وعودة مرة أخرى لكم أيها الأحبة مع رحلة جديدة

وبالبداية أحب أشكر أخوي الغالي محمد على أسئلته اللطيفة والمرحة والتي دائماً ما أسعد بها

والشكر موصول كذلك للأخ العزيز خادم علي على مشاعره الجميلة وذوقه العالي

وعشان ما أطولها مثل كل مرّة أترككم مع الرحلة

وبسم الله نبدأ

7

متي بدأت أستخدام الكمبيوتر ؟

في آخر سنة بالثانوي لكن الاستخدام الكثيف ما كان إلا بالكلية

أختر واحد من هؤلاء لتستخدمه بقية عمرك و تتخلي عن البقية (الكمبيوتر و الأنترنت - التلفزيون- الموبايل - الجرائد و المجلات) ؟

الحقيقة أنا حالياً شبه منقطع من كل شي إلا من النت لذلك أعتقد إني بختار والله أعلم

( الكمبيوتر و الأنترنت )

لو قالوا لك سوف تعيش طوال عمرك في جزيرة نائية , اختر خمسة أشياء تاخذها معك و شخص واحد ؟ فما هي الأشياء و من هو الشخص ؟

هههههههه صراحة السؤال يبغى له سنين من التفكير

وعشان أكون صريح بالنسبة للشخص فبتزوج لحظتها وباخذ زوجتي أكيد

أما الأشياء الخمسة والله مدري

وأظن أني راح آخذ ملابس وكمبيـوتر وتلفـزيون ومكـيّـف وأكيــــد غرفة نوم

طريقة سفرك المفضلة ... (بحري - جوي - بري) أختر .

البري بصراحة وهو الأمتع بالنسبة لي

ما هو الحيوان المفضل لك؟

بصراحة بيني وبينهم عداوة لكن لو الديناصورات عايشة كان يمكن أشتري لي واحد

وإذا بغيت الجد أحب الصقر

.......................

أتمنى أني ما أكون طوّلت عليكم هالمرة

وفي ختام كلامي لكم مني أعطر تحية وأصدق الودّ والتقدير

.......................

ملاحظة للغالي محمد فول

بغيت أنسى القلم مرة ثانية

**الأنيق666** · 23-09-2004, 02:51 PM

الرد: ّ¤؛°`°؛¤ّ,¸ ضيفنـا لهذا الأسبـوع المتميز حيــران ّ¤؛°`°؛¤ّ,¸

هههههه

حلوه دينصور حيراااانوه

**دلوووعه** · 23-09-2004, 05:00 PM

الرد: ّ¤؛°`°؛¤ّ,¸ ضيفنـا لهذا الأسبـوع المتميز حيــران ّ¤؛°`°؛¤ّ,¸

هاااااااااااااااااااي حيران
سؤالي لك 2*1
ايش الصفات اللي تحبها في نفسك
ايش الصفات اللي ماتحبها في نفسك

**الأنيق666** · 23-09-2004, 07:39 PM

الرد: ّ¤؛°`°؛¤ّ,¸ ضيفنـا لهذا الأسبـوع المتميز حيــران ّ¤؛°`°؛¤ّ,¸

هلا حيران وفي بالى سؤال وأتمنى تجاوب عليه بكل صراحه/
لو كنت صاحبي وكنا في طائره ما فيها الأ أنا وأنت وصار فيها مشكله وأحتجنا أن واحد منا يضحي ويطيح علشان ينقذ صديقه ويخف وزن الطائره وتستمر بالأقلاع ؟ماذا ستفعل؟ احراج صح

جاوب بصراحه ولن أزعل.

وشكراً لك

**أبو زياد** · 24-09-2004, 12:43 AM

الرد: ّ¤؛°`°؛¤ّ,¸ ضيفنـا لهذا الأسبـوع المتميز حيــران ّ¤؛°`°؛¤ّ,¸

السلام عليكم ورحمة الله

نلتقي من جديد أحبتي الكرام

ورحلة اليوم خفيفة وأتمنى أني ما أمغّطها وأطوّلها عليكم

بدايةً أحب أشكر حبايبي أخوي الأنيق وأختي دلوووعه على أسئلتهم اللطيفة

وأترككم مع الرحلة كالمعتاد

وبسم الله نبدأ

7

( أسئلة الأخت دلوووعه )

ايش الصفات اللي تحبها في نفسك

ايش الصفات اللي ماتحبها في نفسك

قبل لا أقول شي ودي تعرفين أن هالأشياء ما يحددها بدقّة ألا الناس الآخرين اللي يتعاملون معي

لأن الواحد عادةً ما ينتبه لنفسه

لكن يالله بقول اللي أنا أعتقده والله أعلم

أحب في نفسي الطموح بس

وأكره في نفسي العصبية وحرارة الدم والكسل والفوضوية والتملل والتسرع والطمع في بعض الأحيان

كـثـيـر صـــــــح

7

( أسئلة الأخ الأنيق )

لو كنت صاحبي وكنا في طائره ما فيها الأ أنا وأنت وصار فيها مشكله وأحتجنا أن واحد منا يضحي ويطيح علشان ينقذ صديقه ويخف وزن الطائره وتستمر بالأقلاع ؟ماذا ستفعل؟

هههههههههههههههههههههههه

طيب ما فيه احتمال مرور طيارة وينتقل لها واحد منا

؟؟؟؟؟

<<<<<< يبغى يصرّف ولا عرف

طيب بقولك الحلّ اللي ما يكون فيه ظلم لأحد

نوزن بالميزان واللي يصير وزنه أكثر يطيّح نفسه ويطبّ الله لا يهينه

وش رايك بالحل مجنون صح

هههههههههههههههههه

ختاماً أشكركم جميعاً دون استثناء وفعلاً كنت سعيد جداً بهالموضوع

وسعدت أكثر بأسئلتكم الرائعة والممتعة

تقبلوا خالص التقدير وأعذروني جميعاً لو حصل تقصير

وكل لحظة وهالوجيه الطيبة الراقية الأصيلة بخير وسعادة

ضيفنـا لهذا الأسبـوع المتميز حيــران

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع مرتبطة