تعالوا شوفوا حش الحريم عقب العرس
مشالله على الحريم

كلام الحريم بعد ما يطلعون من العرس
ركبوالسياره وكل وحده تنتبه لا تصك باب السياره على دفتها وبمجرد ما انصك باب السياره يبدأ الأستديو التحليلي.. سمعوا اللي قالوه النسوان عقب كل حفلة زواج


الأولى : ها.. شفيج تأخرتي؟

الثانيه : ساعه قاعده ادور على دفتي انتي ما شفتي الحريم شلون يتهاوشون عند الدفاف
الدفاف كلها تلخبطت

الثالثه : جان زين ما رحنا زواجهم



ليش؟



الثالثه : زحمه واليهال يفلعون بعض بقشر البرتقال ويلعبون في الماي



الأولى : ما شفتي ذيج اللي كتت القهوه على المرة اللي كانت راقدة؟


الثالثه : لا والله ما شفتها .....انا ما شفت ولا شي في الزواج طول الوقت قاعده ادور على جوتي بنتي عبير

الثانيه : شرايكم في نفنوف خلود ؟

الأولى : مو حلو مبهدل عليها والجرار طالع وذوقها يلوع الجبد

الأولى: انا عجبني مكياج أمووول تقول ان زوجة خالها يابته لها هدية من باريس

الثالثه : هههههه من باريس تضحك عليك يا هبلة تلقينه من رامز او سوق المنامة او يمكن من خمس دوائر


وقــــــــــفه...... فاصل اعلاني ..الموبايلات اشتغلت شوي


الغريب والعجيب انهم وهم يتحجون في السياره يقولون لبعضهم خلاص يا بنات بس ترى ما يجوز نعقر في الناس


تكــــــــــــــــــــــــمله

الثانيه : عدل والله كلامج يا خويتي ما يجوز نعقر فيهم بس شفتي ذيج اللي كانت قاعده يمي على العشا وتقطع لي لحم ؟

الأولى : اي اي شفتها هههههههه متوصيه فيج شكلها بتخطبج حق ولدها

الثانيه : ويعة في شكلها هي وولدها انشاالله قاعده تقطع لي من اللحم الكبار اللي ما ينبلع وهي طايحه في اللحم الزين


ايش رايكم في العشاء



الثالثه : دسم وكله شحم

الأولى : بارد

الثانيه :اللحم كبار

الثانيه : وفي نسوان ما تعشوا قاعدين على الكراسي اللي في الكوشه شايفين نفسهم

الأولى : حتى ام العروسه ما تعشت مسكينه ..طول الوقت قاعده تصيح

الثالثه : هههههههههه تصيح من الفرحه يا هبلة..ما شفتي صدرها شلون منتفخ من الفلوس

بس عااد ..خلاص ..ما يجوز ..اي والله ...مب عدلة ..
.بس شفتي؟ ...وشفتي ؟..وشفتي؟

واخيرا وصلنا البيت

شوفو لي حبتين باندول اكسترا

ومسامحة يابنات