ها1111ي ياعــزاب ياحلوين << مو كنها قويه هاي على العزاب

مسهـــم با الخير

خلوني ابدا با المشكله على طوووول

الــــــــــــــــى متــــــــــــــــــى ياعـــــــزاب

ليش محد يـبـيـنــا << يصيح تهي تهي تهي

وين مانروح يقولون لنا للعوايل فقط ليه حنا نبي ناكلهم

طيب فيه حارس ( سكروتي ) اذا سوينا شي يجرنا مع اذاننا برا

يعني معجبهم حالتنا بذمتكم شوفو للرصيفات بكل رصيف تلقى عشره متبطحين

تفقع وجهي من النامس << طلع له خدود بجبهته

مليت من البلوووت والكيرم ابي ادخل منتزهات ابي اروح للسوق اتمشى

ابي احس اني شاب يعتمد عليه ماهو منبوذ

تعالوو شوفوو لشقق العزاب علشان ترحموننا بجد نجي اول شي للمجلس

عشرين طعش مركى كل مركى مكتووب عليه ذكريات

يقابلها عشرين طعش طفايه << كلهم يدخنون

الفرشه نصها لاعب فيه الجمر حق المعسل والنص الباقي يترط رط من الشاهي

كل شوي واحد ينثر كاسته والله حاله

والجدار كله صور فنانات كل واحد يحط الفنانه اللي يحبها

عاد انا حاط صورة ديانا نشوف لطاولة التلفزيون اللي لو كانت تدري انها بتروح لشقق عزاب كان صارت

عشة حمام ازين لها طبعا طاولة التلفزيون الله يعينها مدري تشيل الشمغ والعقل

ولا تشيل المجلات ولاتشيل البلايستيشن يعني شغلتها شغله

قدامها وقبل لا تاصل للطاوله فيه ستريو كبير وشرطان منثوره طبعا كله

لفنانين شعبيين << الله من الهموم

ومزعل فرحان لاعب عندهم دور رئيسي

طبعا واحد مشغل المسجل وواحد مطول على التلفزيون وثلاثه يسولفون

واربعه يلعبون بلوت ..

وواحد ماسك العود ويبي يصير فنان با الغصب ( طن طن طن طخ )

وواحد نايم << طبعا تستغربون شلون ينام وسط ها الازعاج

هنــا طبعآ تأتي الخبره اذا خلصت من الزقاره تبقى القطفه حطها في اذانك

ونم نومأ هنيآ << الحاجه ام الاختراع

خلصنا من المجلس وازعاجه نرووح للمطبخ ( طا طا طا دقه مرعبه )

المطبخ وما ادراك ما المطبخ طبعآ المطبخ يغلبه الون الاصفر من ورق الشاهي

لبتون مسوي مهرجان داخل المطبخ هاذا غير اكياس المطاعم

ولا تستغرب انك تشوف بسه ( قطو ) داخل المطبخ ذلك لوجود عظام الدجاج

ورز له اسبوع << ماصار رز صار شعير

هذا غير الصراصير اللي تسرح وتمرح بدون رقيب

يعني وانت جالس عزيزي العازب لازم يكون بجنبك زنوبه عفوآ هذا اجراء أمني

نترك المطبخ ومشاكله اللي ماتنتهي ونجي لغرفة النوم

كلها بطانيات والنور مكسور والدريشه مضلله وكنك داخل فريزر

وكلها ساعات خراشيه << عشان يلحقون على الدوام

طبعآ لاتقول هذا فراشي ولا هذاي بطانيتي ادخل وتمسك با اقرب شي ونم

تقوم الصبح تروح للدولاب اللي ماله بيبان وتلبس ثوبك وتوكل على الله

لافطور ولا قهوه ولا شي الله يسلم البوفيات ..
اتمنى الموضوع المنقول ينال اعجابكم............