السلام عليكم ورحمة الله وبركاته
وصبحكم الله بالخير جميعاً
ابصراحه قعدت وانا ورفيجي نسولف عن الفقع وعن الرياضه الي فيه
وعن وناسته وعن الاغرائات الي تجي من الفقع
وطبعاً استنتج رفيجي الكلام الأتي
طبعاً على السانه هو وانا بقولكم شقال
يالله...
قبل لا ابدأ اظن عرفتوا الموضوع من عنوانه
والله انا مادري اشلون ابدا الموضوع ... بس يالله نحاول
يالله...
ريـاضـة الــفـقـــع
رياضه من اروع الرياضات البريه ( موقصدي مسّبه ) وهي المشي مع محاولة ايجاد الفقع


ماهو الـفـقع
هو نبات فطري ينمو في باطن الارض بعد سقوط المطر ...
ويستخدمونه في الطباخ مع الحشو والحميسه ( لاتسعبلون )

منافع رياضة الفقع
1- حلاوة المشي ... وزيادة النشاط ...
2- الهدوء والتركيز ...
3- قوة البصر ...
4- العمل الجماعي ...

اضرار رياضة الفقع
ويا كثرهم ...
1- عـــوار العين ...
2- ظربة الشمس ...
3- تكـّـسر الاظافر ...
4- التحندب ...
5- النحشة من الورل ( البريعصي الطويل) ...
6- الهواش على اللي يلقى وحده ...
7- تقـّـرص البق ...
8- تعب الطريج ...
9- العطش ... (يبتلش اللي ماياخذ احتياطاته) ...
10- ... واللي عنده يزيد ...

وصدقوني اذا لقيتوا وحده حتى لو صغيره ... تسويلكم اغراء علشان اتطلعون اكبر منها ... فتمشون...
وتمشون ...

وتمشون ...


وماراح تتعبون ...