الفقرمايدور الااهله

[جنوب الرياض]

قبل شهر اخذت من الوالد بعض القريشات وشريت له في بنك الراجحي وجاه مكسب عشرة الاف ريال الشايب بغى يطير من الفرح واخذت له ثاني مره في شركة اللجين وكل يوم يزيد راس مال الوالدعشرة الاف وبلغت اول مره وقام يدعي لي حتى زاد راس ماله وجاه ربح من شركة اللجين في أقل من اسبوع ثلاثين الف ريال والحمدلله اني مابلغته عن الثلاثين الاان الطمع اعماني ومابعت حتى جاء يوم الاربعاء يوم النكسه لشركة اللجين يوم العروض بدون طلبات واخذت الارباح تتلاشى وانا ماقدر ابيع ومن هذا الدرس استفدت (ان اللي يجي بسرعه يروح بسرعه)الزبده من الكلام هل ستواصل اللجين النزول؟(ياناس دلوني وين الصبر ينباع*لأشهر الدمع من عيوني وانسى اللي فات وراح)

[سهم الفوز]

الرد: الفقرمايدور الااهله

حبيبي صبحك الله بالخير.... المسألة مو اللي يجي بسرعه يروح بسرعه ولكن الشخص لابد انه يكون قنوع يعني المكسب القليل وتحمد ربك أحسن من مكسب كثير ممكن فجأة يصير خسارة ..عشان كذا دايم إرضى بالنصيب ..وحاول انك تغير اسهمك من شركة لاخرى اول شي ممكن انك تكسب اكثر وثاني شي تستفيد خبرة من هالسهم أما بالنسبة للجين ولكل السوق عامة وضعه للأن مايطمئن ..لأن بنظري لسه ما استقرينا للحين ..والله اعلم

اخــــوك / سهــــــــــم الفــــــــــــوز

[جنوب الرياض]

الرد: الفقرمايدور الااهله

سهم الفوز (ترى النار ماتحرق سوى رجل واطيها)والله اني خايف من الوالد لويدري والتوبه ماخذ فلوس احد

[ماجد2002]

الرد: الفقرمايدور الااهله

السلام عليكم ورحمه الله وبركاتة,,

اولاً استغفر ربك ,,وقل الحمدالله الذى لايحمد على مكروه سواه ,,,
ولن يصيبنا الا ما كتب الله لنا ,,

اخى الكريم قصة اخوك كاتب هذه العبارات ,,,

انا دخلت مره ببلغ ,, 100 الف وكان خسارتى مايقارب 24 الف ..وكانت باللجين وكما سهم معاه ,,
واحد اهم الاسباب ,,

الطمع ,,, ولم اضارب واطلع وادخل بالاسهم ,,, لم اراقب تحركاتة واخباره ,,,فقط اعتمدت على توصيات ,,

والان والحمدالله تغير الوضع ومن حال الى افضل
ولايمنع من بعض المنغصات فاكبر المحترفين يمنون بخسائر ولست انا او انت فقط

عموماً السوق شكله عكس التوقعات ,,ولكن لااعتقد انه استقر ’’’
والتصحيح مفيد وبه الكثير من الفرص ولكن مضارب ,,

فقط اصبر وتابع
واذا انت منت مرتاح حاول ان تطلع من هل الشركه بنصف السيولة وتتحرك بشركات ثانية ,,,ولكن ليس اليوم وانتظر لاسبت ,,



والله اعلم

المهم لاتيأس واتقي الله وتوكل علية ولاتنسي الاستخارة ,,,
اطلع تمش ووسع صدرك وتصدق ,,

دمتم