الغياب 00
وجه آخر للعذاب
وقطره من نوّ السراب
صاحبي 00
تدري إني بعدك 00
المكسور 00 والمهزوم 00 والمحروم 00
واطراف العذاب ؟؟
تدري إني بعدك أعرف هالحياه 00
إنسان كان 00
يختصر طعم الجنون
مرّه قال الليل 00 سافر 00
ومرّه قالوا سافرت فيه الظنون
صاحبي 00
لو تدري إني بعدها 00
بطلّت أكون 00
تايه أشرب من عيون الملامه
إيه لا صوتك يمر 00
ولا دروبك تنتظرني
لك عيونٍ 00 صحّت الفجر لظلامه
يا حبيبي 00
صحني من موتي اللي طال 00
وش بلا روحي غدت مستعمره
ليه هذا الحزن يقدر 00
يذبح قلوب الرجال ؟؟
ياهلا بصوتك اللي زارني 00
وانا بحدود الموت
واشرقت شمسه وقال
كيفك أنت ؟؟
وقلت له 00 منهو أنت ؟؟
أنت اللي مرّه جرحني 00
أنت اللي مرّه ذبحني 00
وأنت كل الحال !!
ياهلا 00 في صوتك اللي 00
صرت أشوفه 00 والليالي مظلمه
ياحبيبي 00لا تغيب
ما بقى لي من عمر 00 والوقت شاب
آه 00 والدنيا على خصرك تمايل
والزمن يرميني مرّه بالغلا
واذوب 00 أذوب 00
واكتب لعينك رسايل !!
وش تركتي لي من دموع 00 إن بكيت ؟؟
وش تركتي لي من الصبح 00إن حكيت ؟؟
وانتي آخر معترك لي 00 بالحياة
عاشقٍ ياكثر عشقه 00 للعيون 00
تذبح القلب 00 وتمون
آه 00 يا ها اللي تسافر وسط روحي وانتظرها 00
كلما تشرق علي شمس 00 وشمس 00 وفي حدود الهمس
وش تركتي لي من جروح الهوى 00 ؟؟
ما غير إني 00 كلما مرّت علي ريح الصبا 00
أمسك جروحي وأغني
ضيعيني في متاهات السفر 00
وغربيني في عيون الليل
يمكن إن مرّ النهار بديرتي 00
ألقى في كفه أساور 00 من ديارك 00
من نهارك
وانتظر 00 باكر يجي 00
آه 00 لو باكر يجي
باكر اللي ما رماني غير 00 ليدين التمني
أعبري لآخر حدود الجرح 00
شوفي ميت يرمي على دربك 00 قصيده
يا بعيده 00 يا بعيده