حياة طالب
يا ناس انا قلبي همومه كثيره ..... وهموم قلبي ما تسعها الجزيرة
والعلم والتعليم ما عاد اديره ..... عقلي مع التفحيط في كل الاوقات
شريت انا دتسن جديد المكينه....... من عند ابوي جعل طالت سنينه
ادعس على البنزين توحي ونينه ..... وهوايتي يا ناس قطع الاشارات
اسوق انا واسرع ثم الف الطاره ..... واربط جلنط كل هاذي شطاره
الين افحط والكفر شب ناره ..... وبموتري اكتب على الرمل خمسات
الناس تنصحنى ولا ابي النصيحه ..... قالوا الدراسة قلت ماهي مريحه
ما ابغى المدرس بالعبارة الصريحة ..... اللي يجي بعلوم دايم صعيبات
مدرسين الدين لاباس لا باس ..... يدرسون الدين والهرج بقياس
والدين احبه والديانه لنا ساس ..... ومدرسين الدين للدين وثقات
ومدرس قواعد جاب كل المشاكل ..... ما بين مفعول وما بين فاعل
مره يزعلني ومره اجامل ..... رحت انا ما بين ضمه وكسرات
ومدرس جابلي تواريخ راحت ..... وش لي بناس يا هل العرف ماتت
هذا حمو رابي شرايعه بارت ..... جابلي علوم الناس راحت ولا جات
ومدرس قاللي ترى الاض بتدور ..... قلت له يا استاذ في العقل ماجور
لو كانت دارت ما بقى في بيتنا قدور ..... راحت قدور الناس مليانه اقوات
ومدرس جاني ويشتال فرجار ..... يرسم دواويره على كيف ما صار
ومثلثاثه والزوايا والاقطار ..... قاللي تطابق قلت عشر مرات
ومدرس جاني ويرطن عليه ..... قود مورننغ قلت وش بك عليه
قال استند اب وش هالبليه ..... هي وشي وإن وبليز قف ذات
ومدرس جاني ويشتال عقرب ..... قال العلوم قلت ما ابغى اتدرب
خل العقارب والحناشين للرب ..... الله عليم ويعرف اطوار الانبات
ومدرس قاللي ترى الفن تشكيل ..... يخبص الالوان ويقول تجميل
مالي ومال رسوم فيها تهاويل ..... ماني متخرج اضرب البيت بويات
ومدرس قاللي الرياضة هوايه ..... قلت الرياضة هي غاية مناية
العب مع الورعان صبح ومسايه ..... ليت الدراسة لعب كوره وكشتات
ومدرس جا وهذاك جاني ..... قال اختبار وحضر الخيزراني
يا ناس انا وش ذنبي اللي حداني ..... في كل يوم انفرش عشر فرشات
ومدرس جاني ويبغى نقودي ..... الفين عد من الريال السعودي
ويشرط عليه ما نبيح السدودي ..... لدرس خصوصي جوف غرفة بلمبات
ما ابغاك يا درس خصوصي ومقصور ..... عن جملة الطلاب في البيت مستور
ادفع فلوسي للمدرس ومقهور ..... يقهرك يالانسان عد الريالات .
غلقت عامي وجيت ابغى الشهادة ..... ولاني راسب مالقيت استفاذه
كل نجح فرحان حقق مراده ..... وانا دموعي فوق خدي غزيرات
دمعى على الخدين مثل المزوني ..... ومن غزر دمعي خفت تعمى عيوني
واسبابها درب الشقا والجنوني ..... وسواقة التفحيط عند الملفات
حلفت لأبيعك حياة المجانين ..... وادون التعليم والدرس تدوين
واحفظ دروسي يالرجال المتاقين ..... وانا دكتور احفظ دروسي تم انال الشهادات
واصير انا دكتور والا مهندس ..... لكن ميلي يم مهنة المدرس
اهو الاساس وللحضارة مأسس ..... مالي ومالك يالدوا والسرنقات
هذي حياتي وقصتي بالتفاصيل ..... حياة طالب ضيع العلم بالحيل
عساه درس يفيدني في المقابيل ..... واخدم بلادي يوم وقت المهمات
واختامها صلوا على خير هادي .....محمد المختار سيد العبادي
وشفيع الامة في نهار التنادي ..... صلوا على المختار سيد البريات
كتبها : بندر بن عبدالعزيز القصير
والعلم والتعليم ما عاد اديره ..... عقلي مع التفحيط في كل الاوقات
شريت انا دتسن جديد المكينه....... من عند ابوي جعل طالت سنينه
ادعس على البنزين توحي ونينه ..... وهوايتي يا ناس قطع الاشارات
اسوق انا واسرع ثم الف الطاره ..... واربط جلنط كل هاذي شطاره
الين افحط والكفر شب ناره ..... وبموتري اكتب على الرمل خمسات
الناس تنصحنى ولا ابي النصيحه ..... قالوا الدراسة قلت ماهي مريحه
ما ابغى المدرس بالعبارة الصريحة ..... اللي يجي بعلوم دايم صعيبات
مدرسين الدين لاباس لا باس ..... يدرسون الدين والهرج بقياس
والدين احبه والديانه لنا ساس ..... ومدرسين الدين للدين وثقات
ومدرس قواعد جاب كل المشاكل ..... ما بين مفعول وما بين فاعل
مره يزعلني ومره اجامل ..... رحت انا ما بين ضمه وكسرات
ومدرس جابلي تواريخ راحت ..... وش لي بناس يا هل العرف ماتت
هذا حمو رابي شرايعه بارت ..... جابلي علوم الناس راحت ولا جات
ومدرس قاللي ترى الاض بتدور ..... قلت له يا استاذ في العقل ماجور
لو كانت دارت ما بقى في بيتنا قدور ..... راحت قدور الناس مليانه اقوات
ومدرس جاني ويشتال فرجار ..... يرسم دواويره على كيف ما صار
ومثلثاثه والزوايا والاقطار ..... قاللي تطابق قلت عشر مرات
ومدرس جاني ويرطن عليه ..... قود مورننغ قلت وش بك عليه
قال استند اب وش هالبليه ..... هي وشي وإن وبليز قف ذات
ومدرس جاني ويشتال عقرب ..... قال العلوم قلت ما ابغى اتدرب
خل العقارب والحناشين للرب ..... الله عليم ويعرف اطوار الانبات
ومدرس قاللي ترى الفن تشكيل ..... يخبص الالوان ويقول تجميل
مالي ومال رسوم فيها تهاويل ..... ماني متخرج اضرب البيت بويات
ومدرس قاللي الرياضة هوايه ..... قلت الرياضة هي غاية مناية
العب مع الورعان صبح ومسايه ..... ليت الدراسة لعب كوره وكشتات
ومدرس جا وهذاك جاني ..... قال اختبار وحضر الخيزراني
يا ناس انا وش ذنبي اللي حداني ..... في كل يوم انفرش عشر فرشات
ومدرس جاني ويبغى نقودي ..... الفين عد من الريال السعودي
ويشرط عليه ما نبيح السدودي ..... لدرس خصوصي جوف غرفة بلمبات
ما ابغاك يا درس خصوصي ومقصور ..... عن جملة الطلاب في البيت مستور
ادفع فلوسي للمدرس ومقهور ..... يقهرك يالانسان عد الريالات .
غلقت عامي وجيت ابغى الشهادة ..... ولاني راسب مالقيت استفاذه
كل نجح فرحان حقق مراده ..... وانا دموعي فوق خدي غزيرات
دمعى على الخدين مثل المزوني ..... ومن غزر دمعي خفت تعمى عيوني
واسبابها درب الشقا والجنوني ..... وسواقة التفحيط عند الملفات
حلفت لأبيعك حياة المجانين ..... وادون التعليم والدرس تدوين
واحفظ دروسي يالرجال المتاقين ..... وانا دكتور احفظ دروسي تم انال الشهادات
واصير انا دكتور والا مهندس ..... لكن ميلي يم مهنة المدرس
اهو الاساس وللحضارة مأسس ..... مالي ومالك يالدوا والسرنقات
هذي حياتي وقصتي بالتفاصيل ..... حياة طالب ضيع العلم بالحيل
عساه درس يفيدني في المقابيل ..... واخدم بلادي يوم وقت المهمات
واختامها صلوا على خير هادي .....محمد المختار سيد العبادي
وشفيع الامة في نهار التنادي ..... صلوا على المختار سيد البريات
كتبها : بندر بن عبدالعزيز القصير
تعليق ومزح ... وبالنهايه نصيحه وهذا المهم ....
....
تعليق