سلام الله على اللي قاللي أهلين
وأشهد لك بربي خالق الأكوان
تراحيبه وهمسة صوته الرنان
هلابك ثم هلابك يأسود العينين
: هلابك ثم هلابك بأعذب الأشجان
بلحظة شوفه تعانق بعيني الضدين:
: فرح شوفه ودمعه عيني بأحزان
يقولوا لحظة انت تعلب على الحبلين
فرح وأحزان ما صارت بقلب انسان
وأقول الحزن فيني حافرة حدين
جروح الوقت ومعانق قلب خوان
عطيته فرحي وامالي علي غالين
وسكن فيني بحزنه وانتسى ماكان
وغدر فيني بطبعه الخاين المسكين:
يحسب بفعله فيني يجرح الوجدان
يحسبني برضخ لحسنه ولذاك الزين
وينسى ان بحروفي أذل الجان
ترفع وانسى ياخاطر فعل هالشين
ويرجع لك ذليل يطلب الغفران
انا ماارجع لقلب (ن) عملته وجهين
يخون ويرجع بعينه دمع هتان
لقيت بغيرك الغيره ولو تدرين
كأني منتظر تايه غريب أوطان
لقيت بعشقه امال وفرح وسنين
محت منها الحزن كانت بكل أركان
فديت عيونه لا سلهم بهالجفنين
تنادي خافقٍ فيني عليه ولهان
احس بشوفه عيد (ن) ثالث العيدين
واحس بطلته فيني فرح ماكان
احس اني احاول امسكة بيدين
ولكني أتمايل له ميلة الأغصان
تصدق من غلاتك وفرحي بك يازين
اشوف اسمك تسطر بداخل الشريان
ابحلف له ويشهد خالق الثقلين :
مايطري انسى حبه لو تمر أزمان
بحرف القاف وميم وبوسطها بالسين
غلاتك فيني ما مرت على الخلان
تعليق