كتبت شعور كتبت احساس كتبت وقلبى ما يبالى
أسير لعيونك الحلوه أسير مكبله ايدينى
سرقتى قلبى الأبيض لعينك راح طوالى
أقوله وقف شويه.. يقولى اترك ايدينى
سرقتينى أنا كلّي وكلّي صرت أنا خالى
أحاسيسى سكنت عندك طريقى وين دلينى
أشوفك دوم فى عينى أشوفك دوم فى بالى
وحتى عقلى العاقل هو اللى يبصّم ايدينى
اذا شفك أنا أنسى الناس لأنك كل آمالى
لأنك ما أدرى شنهو أقول كل الكل صدقينى
تتراقص فرحتى بسمه تتراقص لك على الخالى
صحيح انك أنتى الماء وأنتى عطش سنينى
أحس روحك مثل الطفل أميل وين ما مالى
وأرقص مع خياله بصمت يرد دمعى يصحينى
يقول لى وين أنت رايح خيالك حلم أطفالى
وأرّد أزجره بغيض وأقوله بس كافينى
حتى الحلم هو ممنوع خلنى أحلم لحالى
قلوب الناس هى داخل وأنا قلبى على أيدينى