كرامتي مثل دمي في شراييني..
ما عاد يمديك ودع ماضي أيامك..
ما عاد أنا اللي على خبرك تسليني..
ما عاد أنا في حياتك فارس أحلامك..
لا..لا..تجبيني عقب ما فات تغريني..
تعبت أسافر ما بين ارضاك وخصامك..
وأدفع ثمن كل غلطاتك من سنيني..
مشاعري تحترق لك وأنته بأوهامك..
مشغول في عالمك وحدك و ناسيني..
لا..لا..تأسف لموت الحب مادامك..
ارخصت صدق المشاعر بينك وبيني..
على طريق الوفا تاهت بك اقدامك..
وأنت الذي كنت في قلبي وعيني..
تحمل الجرح وحدك..صارع آلامك..
جرب جروح بعض ما كنت تهديني..
ما عاد يمديك تكمل ياقي أيامك..
كرامتي مثل دمي في شراييني..
**فيصل العبدالله الرشيد**
الحيران...
------------------
من يشتري قلبٍ همومه ملايين...
ويبيعني قلبٍ من الهم خالي..
</a>
تعليق