اسمع منى اخر كلامى انا متاكدة انك انت وانا واثقة من كلامى
افتكر لما سالناك جرحتنى وكذبت كلامى
مين فينا اللى كلم التانى مين فينا اللى احتاج للتانى
انت اللى كلمتنى يبقى انت اللى احتاجتلى ولا مش عجبك كلامى
مفيش غيرك انت قدامى وبوجهلك كل كلامى
على بالك تعذيبى واستهونت بقلبى وبكيانى
اتديتك كل حبى وانت فى حبك كنت انانى
هديتك كل اشعارى واحلى كلامى
اختارتك فارس لاحلامى تبادلنى وابادلك اجمل غرامى
وفى لحظة غدرت بيا وسيبتنى لحالى
فوقتنى من اجمل حلم عيشتهولك ليالى
وبدات تغيب عن عينى بدل الليلة ليالى وبدات احسك واحد تانى
خلاص فى بعادك مابقتش صعبة الليالى
ولو حبك صادفنى فى يوم او اتغير حالى
لو للحظة همست حسك فى وسط الليالى
لحجر قلبى وامحى صورتك من قدامى
يعنى انسى انى افكر فيك او للحظة تيجى على بالى
ازاي قدرت تنسانى وتحيرنى فى كلامى
مش قادرة اصدق بقى دا اللى كان حبيبى وكان املى عنده غالى
يا قلبى سيبك منه واسمع منى وخد كلامى
دى نجوم السماء اقربلك منى وانتهى كلامى

تحياتى
بحر الالام