كتبني شعري أبيات بها كل الحروف أحزان

وصفني بالغريب اللي تغرب وسط خلانه

رسمني لوحة حمراء في أقصاها جروح إنسان

طريح ويكسر الخاطر وفيها همومه أكفانه

رحمني مثل بيت الأمس يكابر مايبي النسيان

وصوت أفراقه القاتل تبدد وسط جدرانه

غديت بناظره ورد ذبل في حسرته عطشان

صبر حالم دمع يرويه وموته يجري تغصانه

كتبني عنده إنسان تساوت في عيونه ألوان

وصار الكون بحسابه وهم في كفة أوزانه

ضميت أبيات تبكيني وتبكي باقي الأحزان

لأني قد نويت أرحل غريب تارك أحزانه

تذوق المر من بعده وهو عايش رماد إنسان

جفوه الناس بآلامه ودمعه حاضن أجفانه

حــــــديـــــث الــــــوجـــــــد