هذه القصه حصلت عندنا بالرياض،وأبغى رأيكم في الحكم عليها.
القصه لوحده من صاحباتي ،بس حصلت لولد عمها.
عمره (35)سنه،عنده أربعة أطفال(بنتين وولدين)
كان الرجال يتعب ،وكانو اهله حاسين إن عنده مشكله ،يقلون له راجعة الدكتور يقول إيه،طيب وش قال الدكتور يقول :بس إاتهاب في القولون،وكل ماسألوه أهله قال القولون،في الفتره الأخيره بدأ مستوى الرجال يتدهور،أخذوه أخوانه إلى العيادة التى كان يروح لها،ماإقتنعو إنه قولون،قالو هذا شيء أكبر من القولون،المهم بعد الفحوصات والأشعه،إكتشفو إن عنده (تليف في الكبد)الدكتور سوى له تحويل إلى مستشفى كبير ومعروف بالرياض،صار الرجال من موعد إلى موعد من منظار،إلى ربط الدوالي عشان ماتضغط على الكبد،آخر مره سوو له موعد منظار،بعد ماسوو له،قال الدكتور إن التليف مو جزئي التليف كامل للكبد،وطبعا يحتاج إلى زراعه،الدكتور قال هذا النوع من التليف ماعندنا الأمكانيات عشان نزرع له،ماله إلا يستمر في الربط للدوالي والمنظار،أو السفر خارج المملكه للعلاج،طبعا هم من الناحية المادية مقتدرين،بس هو رافض يبغى أولاده،المهم كان عنده موعد عند الدكتور،وكان مريض يجلس بالساعات على كرسي الإنتظار،مايستحمل مسكين ،دخل على الدكتور،الدكتور سعودي وجراح،والمريض يحتاج في مثل حالته إلى العنايه النفسيه لأنها نصف العلاج،قال له الدكتور وبالفم المليان (إنت حالتك ميؤس منها!!!؟؟؟؟)ورمى عليه الملف،بالله هذا دكتور!!ولا كمان جراح،هذا جزار،وين مراعاة نفسية المرضى،وين دراسة سبع سنوات،أهم شيء للمريض التعامل ،حتى لو ماكان في علاج،لكن للأسف.
الآن هو في أمريكا،ومرتاح نفسيا،يقول مرة من المرات كان عنده عملية منظار،كانت ممرضه عجوز جالسه بجنبه،يقول صحيت من العمليه وهي جالسه تستنى لما أصحى من البنج.
ويقول كمان إنهم هناك (صحيح إن الحياة والموت بيد الله) لكن نفسيته تحسنت بكثير،والحمد لله قريب رح يسوي العمليه.
عذرا للإطاله لكن،السؤال إذا كان في مثل هذا الدكتور هنا،والقصص عندي كثير،بس كيف رح نأمن أنفسنا بين أيديهم؟رأيكم يهمني.