نخيت البرق والراعـد بصـوتٍ خـاثرٍ مبحوح
.............نخيت الحبر والدفتر ودمع فوق الاوجاني

ذكرة اللي ذكرته من لليالي مفعمه بجروح
............تجرعـت الهـماج وبـيض الله وجـه خـلاني

يراودني الشقا لاغرد القمري وزاد النوح
........... دخـيلك يارفيق الغصن كف النوح من شاني

الا ياحظي العـاثر.. الا يادمعي المسفوح
........... كتمت الجرح بعد الجرح واستفحل بشرياني

دفنـت اسـرار بعـماقي ولـولا عزتي لابوح
...........واغـنيها قصـايد لحـنها يكـفخ بوجـداني

تذكرت الشفايف والحور..والجادل المطروح
........... وخدٍ من فـنارٍ يشـعل الظـمه ..ليا باني

هنوفٍ شرهتني من هلي ..واقفت بتاج الروح
.......... لوتني مع ذراعي ..شلت اجنوبي مع اركاني

دخـيلك يالعيون المرجهنه ..خافقي مجروح
........ ذبحني الحمل فوق المتن..لين ازريت بلشاني

قطعت البيد حافي فـ الدجا وسهيل ماله ضوح
.........وغشاني الياس في الليل الضرير ونمت برداني

آآمانه يالهـنوف عـلى الخـاطر تـجي وتروح
......... تحني على الوليف اللي وفى لك طول الازماني