السلام عليكم ورحمة الله وبركاته ،،،

في ظل الأحداث الحاصلة هذه الأيام
حتى جدتي تسئل .. وهي خايفه من الحرب .. ومن اللي صار
.. ومن اللي بيصير …وجلسنا نتحدث كسياستين ..مهمتين ..
في المجتمع و احنا ..وعليه علينا..
الجده هبابه .. هبابه .. تمشي ..
جلست بعد ما ركبت طقم الأسنان ..
حتى تتكلم عدل.. وافهمها..
وحتى (...) ما يتنطر علي عندما تتكلم.!:
بدءت المحادثه بين جدة بيداء و بيداء (اللي هي أنا)
قالت جدتي:
شلي جرى يا بنتي بهذا الكون ...
حتى العرب ساكتين ما يتكلمون ...
وعيونهم مبطلة ويتطالعون ...
وعلى سعة قاعدين يتساسرون .. (اسرار)
***********************
جاوبت:
قلت يقولون بيحاربون الأرهاب ...
والعالم بيخلصونه من العذاب ...
وما يبون يعود لنا الخراب ...
وهاذي (يا جده) كل الأسباب ...
***********************
قالت يا بنتي كلامهم كله سراب ...
كلامهم يشبه صياح الغراب ...
ما ظنتي غير طحين الكباب ...
من ينحط في الماي ساح وذاب ...
***********************
خل يجيبون دليل على اسامه ...
ويكشفون ارهابه لكل العامه ...
مب يقولون هو الحية السامه ...
وبعدين يسوون حقه محاكمه ...
***********************
جاوبت :
أول مرة أشوفهم يدهم وحده ...
وكل واحد يبقي بوش ووده ...
معورة قلبهم الدمعة بخده ...
والله حرة وأسف يا الجده ...
***********************
والأيادي وينها في فلسطين ...
يهزون العالم علشان برجين ...
ويقولون ما تسويها إلا المسلمين ...
وهم بالعالم اليوم مضطهدين ...
***********************
في فلسطين يموت مليون شهيد ...
وينذبح العود وياه الوليد ...
يبون يبدلونهم بشعب جديد ...
والحصى تخوفهم وحتى اليريد ( اليريد :العصا بالعامي)
***********************
ونشوف بديرتهم كل الهدام ...
والعالم ما عنده أية كلام ...
وين راحو عنهم كل الحكام ...
وين ( يا جدة ) قولي السلام ...
***********************
والعراق محاصرينها اشدحصار ...
عاصرينهم ياجدتي والله عصار ...
والكل ساكت حتى اخوهم الجار ...
لأنهم ما ينسون احداث إللي صار ...
***********************
يوم صدام هجم على الكويت ...
وخل شواطيها بترول وزيت ...
وخذ وياه الأسرى للبيت ...
ويقول امريكا السبب ما سويت ...
***********************
وفي الخليج تمركزو يحمونه ...
قصدهم الخير ينهبونه ...
وإحنا مغمضين كلنا عيونه ...
ونقول هما ابطال يحمونه ...
***********************
وخلته يهجم بعد على إيران ...
وحربهم دامت تسع ما دري ثمان ...
والضحايا اكثار من بني الأنسان ...
هاذي بعينه ( يا جدة) جنان ...
***********************
وتحالفت بعد هي على اليابان ...
من فكرة يايتهم من عند الشيطان ...
في قنبلة ذرية طحنتهم طحان ...
وديرتهم تعاني من ذاك الزمان ...
***********************
جاوبت الجدة :
برجهم تفجر وتفجر وطاح ...
والموت عن وجه كشف الوشاح ...
(وبوش) من شافهم زعل وصاح ...
تمت ديرتهم في بكا ونياح ...
***********************
اصلاً برجهم من زمان عتيج ...
وهم ما خلو لهم أياة رفيج ...
خلهم الحين يطفون الحريج ...
وينظفون المكان في ذاك الفريج ...
***********************
اللي ماتو خاطري كاسرينه ...
وقلب اهاليهم الله يعينه ...
لكن الرادار في ذاك الوقت وينه ...
وين اذون بوش وينها عينه ...
***********************
باكستان وافغانستان تهاوشو ...
تعالوا الحين عاد فششو ...
الجارتين يا امريكا تهاوشو ...
وهم من سنين في حرب عاشو...
***********************
هاذي اللي تبينه يا امريكا ...
خلتي الحكام تنقلب إديكا ... (ديك)
وإنت وعليه مب شريكا...
كيف المؤمرات تحيكينهم حيكا ...
***********************
ليه العرب ما تشاركك في التحقيقات …
حتى نتأكد من صافي النيات
وحتى تزودنا بالمستجدات …
عبالك عندنا عقول مخديات …
***********************
(والكلام على جدتي ما زال )
قومي خلنا نروح نشتري أغراض ...
لأن اللي صار يا بنتي اعراض ...
الحرب يايه اذ ما حل التراض ...
ومن التفكير صادتني والله امراض ...
***********************
احس ضغطي مرتفع علي ...
وقلبي على العرب يقلي قلي ...
وديني بازور عيالي وهلي ...
والله الأسلام مبتلي بلي ...
***********************
احفظ الأسلام يارب و العرب ...
وأكسر ايادي كل منهو ضرب ...
وابتليه بالعمي وياه الجرب ...
واحفظهم وابعد عنهم الحرب...
***********************

وسلامتكم ارجو أن أكون خفيفة على قلوبكم..
والله ينصر العرب والمسلمين في كل مكان ..
آمين يا رب العالمين ...