أولا أحب ان اعبر عن اعجابي الشديد بمنتدى الشعر و الأدب ...
فأن أول اضافة لي كانت في هذا المنتدى ..لقد تغيبت فترة عن المنتدى و ما كان بيدي
لكني رجعت وها انا ارى هذا المنتدى المحترم في تألق و ازدهار دائما وابدا
بداية احب ان اعبر عن اشتياقي الشديد لكل المشاركين بالمنتدى وخاصة الأخ جلال الخالدي والاخت ليالي الشوق
واخيرا وليس اخرا .. فقد خطرت بعقلي فكرة واود طرحها والمشاركة فيها...
وهي حتى تزداد معلومتنا الادبية والشعرية فأنا أرجو من الاخوة الاعضاء ان يكتبوا القصيدة التي أثرت بهم مع كتابة اسم الشاعر .. وذلك سيفيد جميع الاعضاء
-----------------------------------------------------
وها انا ابداء بأول مشاركة وهي قصيدة عامية للشاعر المصري الكبير عبد الرحمن الابنودي..
من اول شعرة شايبة في راس عبد التواب الى عبد التواب
يا عبد التواب ..
شعرك شاب.
شعرك شاب يا عبد التواب
وآديك يا حلو ..
ماعدتش قدام نفسك او قدام الخلق ..
شباب.
انا اول شعره في راسك
اديني باتكلم
الشاب بيرحل منك والشايب
واقف يتسلم.
العمر الاخضر طاب يا عبد التواب .
طول عمرك بتأجل.. بتأجل.. بتأجل.
أجلت الصدق لبكرة ..
واديك شبت وانت كداب.
اجلت التعليم وادي شعرك شاب
وانت ما رلاحت الكتاب.
ولا بتفك الخط .. ولاتخطه .. ولا تفر كتاب.
شعرك شاب يا عبد التواب.
اللى شعره شاب
يبقى جسمه شاب
يبقى قلبه شاب..
ابكي وقول ارجع يا شباب.
ابكي يا عبد التواب.
اجلت العمر لبكرة واديك لسه واقف ع الباب.
اجلت الاخلاص .. التضحية .. الود
واديك نصاب
اجلت الحب لبكرة واديك شبت
ولا فيش حواليك اصحاب..
ياللي عاوز تقرا كتاب عن راجل
اجل عمره .. لحد العمر ما غاب ..
اقرا عبد التواب
عبد التواب اللي خيب عمره بالتأجيل
لحد ما خاب.
ده العمر سنين ودقايق وعمل
وحساب..
فيه شئ سبته للشمس وللمطره
-سنه واتنين-
الا اما داب؟..
جاوب يا عبد التواب .
الشعرة البيضا الواقفة على راسك فاضحاك ..
بتقوق زي غراب
وسط الاحباب والاغراب.
اتبعتر عمرك من ايدك..
زي حبوب العقد المقطوع.
ايشي ضاع منك في الطين..
وايشي غاب في تراب.
واذا دلوقتي تجري ورا عمرك .. اجري ..
ما عادشي الا سراب.
سامعني يا عبد التواب..؟
السعرة البيضا الأولانية بتتكلم.
من على راس عبد التواب .
اللي في عينه حلم..
يقوم دلوقتي يحققه ..الا بكرة ده كداب.
وكمان كداب اللي يقول بكرة..
لأنه ف بكره شعر الانسان بشيب .
زي ما شاب..
شعر الراجل ده اللي باكلمكم كم على راسه ..
عبد التواب
--------------------------------------------
وشكرا ..............أرجو المشاركة
سلام