احلى المواعيد تأتي على يد ضيدان المريخي...لنقرأ هذه القصيدة معا...

الرجاء المشاركة بادلاء رأيكم السديد في أبياتها...

________________

عـــــــــــذاب نـــــــــــــون: تحياتي للجميع

*****************************************
*****************************************
الليل طرف وخاويت المسا للصباح
************ والشمس مثل الهنوف لياارتفع شالها

والحلم ودع جفون النوم والنوم راح

************** واحلى المواعيد خلتني على بالها

ما قدمها الا المحبه والشعور القراح

**************** بغيابها ما ذخرته كود لوصالها

ما يمدي الشوق في صدري يفل الجناح

*************** للفرحه اللي طلوع الفجر يغتالها

لو قلت يا طيبي البارح عرفت المراح

*************** البنت ما تترك البارح على فالها

ان ساقها الود يمي كل براق لاح

************** لو ما تهادى مطرها جيت بظلالها

تستاهل الحب والغيره وكل الجراح

************** اللي ذبحها الهيام وهي على حالها

حورية لا رتع فيها النظر واستراح

************ هيجنت لاشواقي العطشى على جالها

حنت ضلوعي ولج الضلع الاقصى وصاح

**************** ان بينت بدرها الوضاح وهلالها

ماغابت الشمس عن جيد الذهب يافلاح

***************** النور ما فارق السبحه وسلسالها

ومجدل طيحته وحده ليا طاح طاح

**************** ان طاح في غفلة منها ثنى حالها

هداجة الحسن راعية القوام الشناح

************** ابطيت اغني بها شعري ولا طالها

ان شفتها قلت وش علم القصائد شحاح

**************** ماهيب هذي قصايدها ومن قالها

ان كان ما قلت فيها ورد شعري وفاح

**************** لعلها ما تخلينــــــــي على بالها