أسعفوني ... أسعفوني يالنشامى ... لي فترة مو هينة ... وأنا أحاول أعرف منهو قايل هالقصيدة

صدقوني ما خليت كتاب .. ما خليت منتدى ... ما خليت بالتوك ... ما خليت انترنت ... ما خليت ..

بس بس خلاص ... ماخليت أحد إلا وعرضت عليه هالقصيدة .. وكل يقول .. اعتقد .. أتوقع .. في

ظني ... احتمال .. قلت لهم يبه أنا ماجيت أسألكم علشان تقولون لي هالحكي .. اعتقد ومااعتقد .. لو أن

المسألة اعتقد ومااعتقد .. وش حقه بعد أنا مااعتقد .. أنا ملوكي هم بعد ..أقدر اعتقد ..أنا باختصار أبي

أعرف منهو اللي قال هالقصيدة بالتأكيد وانا مستعد أهديه .. كيلو عسل من اللي يحبه قلبك .. صدقوني

أقول هالحكي وأنا جاد .. إي والله ( هذا مو قسم ) الواحد يشتري راحته .. مغير يجلس في الليالي يحوس

علشان قصيدة ما عرف راعيها .. بالطقاق كيلو العسل .. بس أرتاح .. أنا أبي أرتاح ..ياجماعة الخير:

هاه وش قلتو .. ندخل في الموضوع ..؟ .. يعني مافيه اعتراض ..؟ يالله ندخل في الموضوع :

القصيدة يقول فيها راعيها اللي ذبحني ولا عرفت أسمه :

فلما تلاقينا على سفح رامـــــــــة ***** وجدت بنان العامرية أحمـــــــــرا

فقلت خضبت الكف بعد فراقــــنا ***** قالت معاذ الله ذلك ما جــــــــرى

ولكن لما رأيتك راحــــــــــــــــلا ***** بكيت دما حتى بللت به الثـــــرى

مسحت بأطراف البنان مدامعــي ***** فصار خضابا في اليدين كما ترى

ملوكي ينتظر....!