يا اهل المحبة المحبة انتهت ولا الناس اتغيرت
نفوس طيبة ونفوس شريرة ولا الطباع اتبدلت
ناس كانت بتسأل وناس بتيجى والله المحبة اتبهدلت
جيران كانوا واصحاب واحبة اصبحوا مع الايام اغراب
كانوا يدقوا الابواب ويطمنوا ودلوقتى مافيش اصحاب
راحت ايام المودة وجت ايام الجفا مافيش احباب
وده حلمان بيحلم بالوفا ويشوف الناس
صافية وحنينة وقلوبها كلها اخلاص
وحلمان بيحلم بالهنا والسعادة قالولوا خلاص
مابقاش يفيد الود ولا الهنا ولا ينفع الاخلاص
وواحد علىباب بيته ينادى يارب فين الخلاص
ولا جار نافع ولاصاحب ولا بنت ولا ولد مافيش اخلاص
وده فرحان مبتسم وسعيد ماشى الكل يبص عليه
شكله غريب اه ده اهبل وعبيط علشان مبتسم وسعيد
وواحد سرحان بيكلم نفسه حيران اه شكله غريب ده مجنون
لا سعيد عاجب ولا حزين عاجب اهل الموده والظنون
سعيد حزين عاقل او مجنون فرحان مكشر مهموم
كلها اشكال اهل الموده التايهين فى دنيا الخدع
وفين الجدع
حلم مش موجود واحد يوحد الناس ويخليهم
فاكرين
عاقلين
شاطرين
لمشاكلهم جاهزين
مش هاربين
ومن الواقع مش خايفين
ومن الماضى مش قلقانين
ولا من اللى جاى مهمومين
فين الواحد ده يا اهل المودة قولوا فين اراضيه
شاب عجوز مش مهم بس فين نلاقيه
ياهل الدنيا ياهل المحبة صفوا قلوبكم
وكونوا كلكم الواحد ده علشان نبقى شاطرين
ولا نخاف ولا نهرب ونسأل من تانى ونقول
الجار للجار حبيب وصديق
مش عدو ولا خاين ولا قاطع طريق
دنيا عجيبة غريبة مليانه حوديت واحنا ابطالها
العاقل والمجنون وبختك يابو بخيت .
______________________ِ
ودمتم