[c]
بسم الله الرحمن الرحيم

الساده الأحبـــــــــــــه الأعضاء الكرام

السلام عليكم ورحمة الله وبركاته

أردت أن أبحر بكم معي بواسطة قارب الشعر الشعبي وذلك من خلال هذه القصيده لرجل أعطاء الكثيــــــــــــــــــــــــــــر للشعر وقدّم الغالي والنفيس ألا وهو الشاعر الكبير / بديوي الوقداني رحمة الله عليه.

فهيا بنا لنستمتع سوياً من خلال هذا النص الرائـــــــــــــــع الذي نعرفه كلنا ونتداول إلقاء أبياته دائماً بين الحين والأخر.... فهيا إلى النص الرائــــــــــع:






[poet font="Simplified Arabic,4,black,bold ,normal" bkcolor="" bkimage="" border="none,2,gray" type=0 line=200% align=center use=sp char="" num="0,black"]
أيامنا والليالي كم نعاتبها؟= شبنا وشابت وعفنا بعض الأحوالي

تاعد مواعيد,والجاهل مكذبّها= واللي عرف حدّها من همّها سالي

إن أقبلت يوم ماتصفي مشاربها= تقفي وتقبل ومادامت على حالي

في كل يومٍ تورينا عجايبها= واليوم الأول تراه أحسن من التالي

أيام في غلبها وأيام نغلبها= وأيام فيها سوا والدهر ميالي

جربت الأيام,مثلي من يجربها= تجريب عاقل وذاق المر والحالي

نضحك مع الناس والدنيا نلاعبها= نمشي مع الفي طوعٍ حيث مامالي

كم من علوم وكم آداب نكسبها= والشعر مازون مثقال بمثقالي

أعرف حروف الهجا بالرمز وأكتبها= عاقل ومجنون وحاوي كل الأشكالي

لكن حظي ردي والروح متعبها= مافادني حسن تأديبي مع أمثالي

إن جيت أبي حاجه عزت مطالبها= العفو ماواحدٍ فالناس ياوالي

قومٍ لياجيتهم رفّت شواربها= بالضحك وقلوبها فيها الردى كالي

وقومٍ لياجيتهم صكت حواجبها= وأبدت لي البغض في مقفاي وإقبالي

ماكني ألا مسوي حال مغضبها= والكل في عشرته ماكر ودجالي

ياحيف!تخفي أموراً كنت حاسبها= واللي على بالهم كله على بالي

الجار جافي وكم قومٍ محاربها= والأهل وأصحابنا والدون والعالي

والروح وش عذرها في ترك واجبها= راح الحسب والنسب في جمع الأموالي

نفسي تبي العز والحاجات تغصبها= ترمي بها بين أجاويد وأنذالي

المال يحيي رجالاً لاحياة بها= كالسيل يحيي الهشيم الدمدم البالي

عفت المنازل وروحي يوم أجنّبها= منها غنيمه وعنها البعد آوالي

لاخير في ديرةٍ يشقى العزيز بها= يمشي مع الناس في همٍ وإذلالي

دارٍ بها الخوف دومٍ مايغايبها= والجوع فيها ومعها بعض الأحوالي

جوعى سراحينها شبعى ثعالبها= الكلب والهر يقدم كل ريبالي

عز الفتى رأس ماله من مكاسبها= يامرتضي الهون لاعز ولامالي

ذللت بالروحلين أرخصت جانبها= وأنا عتيبي عريب الجد والخالي

قومٍ تدوس الأفاعي مع عقاربها= ولها عزايم تهد الشامخ العالي

خل المنازل وقل للبين يندبها= يبكي عليها بدمع العين هطالي

لاتعمر الدار والقالات تخربها= بيع الردي بالخساره وأشتر الغالي

ماضاقت الأرض وأنسدت مذاهبها= فيها السعه والمراجل والتفتالي

دارٍ بدارٍ وجيرانٍ نقاربها= وأرض بأرض وأطلالٍ بأطلالي

والناس أجانيب لين إنك تصاحبها= تكون منهم كما قالوا بالأمثالي

الأرض لله نمشي في مناكبها= والله قدّر لنا أرزاق وأجالي

حث المطايا وشرقّها وغربّها= وإقطع بها كل فجٍٍ دارسٍ خالي

وأطعن نحور الفيافي في ترايبها= ووأبعد عن الهم تمسي خالي البالي

من كل عمليةٍ تقطع براكبها= فدافد البيد درهامٍ وزرفالي

تبعدك عن دار قومٍ ودار تقربها= وأختر لنفسك للمنزال منزالي

لو مت في ديرةٍ قفراً جوانبها= فيها لوطي السباع الغبس دهالي

أخيرّ من ديرةٍ يجفاك صاحبها= كم ذا الجفا والتجافي والتعلالي

دوس المخاطر ولا تخشى عواقبها= الموت واحد وبعد العز يجلالي

إن المنايا إذا مدّت مخالبها= تدركك لو كنت في جو السما العالي

ماقرّت الأسٌد في عالي مراقبها= تسعى على الرزق ماحنت للأشبالي

والشمس في برجها والغيم يحجبها= تقفي وتقبل لها في الفلك مجدالي

رب السماوات يامحصي كواكبها= يامجري السفن في لجات الأهوالي

ضاقت بنا الأرض وأشتبّت شبايبّها= والغيث محبوس يامعبود ياوالي

يالله من مزنةٍ هبت هبايبها= رعادها بات له في البحر زلزالي

ريح العوالي من المنشا تجاذبها= جذب الدّّلي من جبا مطوّّية الجالي

ديمومةٍ سبلت وارخت ذوايبها= وأنهلّ منها غزير الوبل همّالي

تسقي دياراً شديد الوقت حاربها= ماعاد فيها لبعض الناس منزالي

ياجاهل إسمع تماثيلاً مرتبها= فيها معاني جميع القيل والقالي

مثل الدنانير زادت في قوالبها= يوم القيامه إذا ماضاقت أعمالي

وأزكى صلاةٍ على المختار نوهبها= شفيعنا يوم حشرٍ فيه الأهوالي

[/poet]

وسلامتكم ويعطيكم العافيه جميعاً ويرحم الله بديوي ويسكنه فسيح جناته وأأأأأأأسف على الإطاله,,,

[/c]