[c](( مساء الخير))
[poet font="Simplified Arabic,4,blue,normal,normal" bkcolor="" bkimage="" border="none,2,burlywood" type=0 line=200% align=center use=sp char="" num="0,blue"]


مساء الخير هالمره بالاش أسف على التأخير= مدام الرد بعيونك دموع فكل تأخيره
ثقل دم العذر والأكسح وجه الخطأ تبرير= مدامك عارفه طبعي أجل وشهو له الحيره
ترى ماجيت لجل أسمع سواليفك عن التقصير=أعرف إن الخطأ مني بلاش نعيد هالسيره
أنا وأنتي بهالدنيا تحملنا بعضنا كثير= تعودتي على عنادي وصرت أحب هالغيره
أنا وأنتي حكايتنا مثل:صدر السماء والطير= كثير اللي يطالعها ولحدٍ طالها غيره
أنا وأنتي حكايتنا مثل لعبه وطفل صغير= مع أنه دوم يهملها رفض يسمح بها لغيره
أنا وأنتي وش أوصف لك عجز عن وصفنا تعبير= مثل!!مدري! مثل وش..ولكن صعب تصويره
أنا وأنتي بلاش أنتي أنا لوبفقدك شيصير= عليم الله لو ماأنتي فلاطبيت هالديره
أحبك إيــه أحبك ذي بعد يبغالها تفكير= يخلف الله على عقلٍ ملكتي كل تفكيره
تعالي نحترم شيبة غلانا لعنبو التصوير= تعالي نغتنم فرصة لقانا دامها قصيره
ومساء اللي تبين أنتي على قولك صباح الخير= أنا كل يوم بتأخر إذا في دمعتك خيره


[/poet][poet font="Simplified Arabic,4,black,normal,normal" bkcolor="" bkimage="" border="none,2,gray" type=0 line=200% align=center use=ex char="" num="0,black"]

[/poet]

هاهو المبدع دائماً الشاعر الرائع حقاً الأستاذ/محمد البراهيم

صح لسانه ويعطيه العافيه ويعطيكم بعد وأقول أنا أسف

على تأخيري في المشاركه بكل جديد وممكن يكون خيره.


يالله عساكم سالمين,,,


محبكم الدائم/ حفيد الشيخ>>>>>> مكـــه

[/c]