لي زوجة حبه يتــل المعــاليق
عرسي عليها العام باول شباطي

من روحته والزاد بالبيت ماذيق
ولا اميز العلم القوي والخراطي


ومدرسه مع زين كل التخاليق
وزود على هذا تعـرف الخياطي

وجابت رويتبها وصفـقت تصفيق
تسـعة الاف كلهن بالمــغاطي

وصكت عليه بغرفته بالصناديق
وغطت على صندوقهن بالبساطي

وديتها تشري قدور واباريق
وانا انطلقت للبيت يم الشناطي

واخذت سبعة الاف معهن تلاحيق
وخليت انا الف وخمس معهن افراطي

عرفت وقالت عندك اليوم ماليق
واللة لوتربط برجلي ارباطي

وانا عرفت اني توهقت توهيق
يااللة يارب اتهديـن الصراطي

وقالت لخوها كل شي بتوثيق
وجاني حلال القوم راع النشاطي

ثمن ضربني ضربة تييبس الـريق
وقام وفرشني فرشتة للــسماطي

وقام يتوطاني بليا ترافيق
ويرجد علي ويمسحن بالبلاطي

واوجس بصدري عقب ضربه حشاريق
قمت اتنفس عقبها من اباطي

لي تسعة ايام وانا بي تشاهيق
عجزت اسولف كن فيني اصقاطي

براسي صعارير اسواة الزرانيق
ومضارب بالبطن مثل المقاطي

ولا ضاق صدري قمت اجمع طوابيق
و الى توسع قمت اجمع قــواطي

انا احمد اللة بدّل الضوق بالضيق
والهم من راسي نزل للمواطي


منقوووووووله لكم