طلع النهار وبرضه لسه بيضربوا
وجه الليل والعرب لسه بيعربوا
وشعوب منتظره حل من اللي بيهربوا
مع انهم في سبتمبر نار الموت جربوا
-----------------------
شارون اسم مجنون مشدود لورطة
بوش اسم معتوه مجرور لغلطة
عرب اسم مجهول تحته شرطة
مستنيين الحل من ناس في ورطة
--------------------
سياسة وساسة وإحنا قاعدين
شجب ونكران و صابرين
ويمكن إحنا مش فاهمين
وبأمور الساسة مش عارفين
-------------------
والسياسة مالناش فيها
إحنا شعوب مغلوب عليها
قلنا نصبر يمكن نلاقيها
كلمة صدق أو وعد ينجيها
-------------------
الشعوب صبحت بتحلم بفارس
والبيت أبدا ربنا له حارس
يارب ابعت لنا أبو الفوارس
وسكت كلام الصبر والصبر رباني
برضه سكوت وسكوت عقلاني
يمكن نصحي نلاقيه حقاني
---------------------
مالناش حق نفكر بدل الساسة
بس ادونا إشارة ولو بحماسة
علشان نصدق إن الحل سياسة
--------------------
نقول حلم وكان يوم على بالنا
يتحقق أو يتنفذ يتغير حالنا
المهم نفهم ويرتاح بالنا
--------------------
شكرا ليكم يا شهداء
وشكرا ليكم يا زعماء
وشكرا لشعوب العرب الفقراء
ومش هاننسى الأغنياء
-----------------
كله ساهم على آد ظروفه
وفى اللي بيضرب بكفوفه
واصبروا يا شعب فلسطين
لازم نهار يطلع ونشوفه
والعدو هايبان خوفه
وساعتها نقول طلع النهار
والنصر بان والكل يشوفه