[poet font="Simplified Arabic,5,darkblue,bold ,normal" bkcolor="" bkimage="" border="none,2,gray" type=0 line=200% align=right use=ex char="" num="0,black"]
صرخ وجه الظلام وضج صوته في سما غرفـه
بعد ما جاد به وصل الستاير … والجفا فيني
غدى نصف المكان ونصفه الثاني لقى حتفـه
مدام الشمعدان اللي نخيته … مات في عيني
لقيت أسرار مهجوره .. وجرحٍ شاقني نزفـه
وقلت أسكن ملامحها .. واضم الجرح بيديني
سقيت الجرح لين انه روى واحتار في عزفـه
فديته .. كم عزف للحب يوم الحب معميني
سألته عن ثلاث سنين ... مرّت كنها وقفـه
وتمتم لي بكلماتٍ … تذكرني بسكيني
سألته عن هذاك الشايب اللي شبت ما اعرفه
ضحك ودّه يطمني … بكى كنّه يعزيني
سألته ليه يا جرح الشقا طعنتك مختلفـه ؟؟
تسابق يمها دمي وهمّي … واخضر سنيني
تذكر وقتها يوم الوداع … وصابته رجفه
شهق كنّه يقول : أسكت دخيلك لا تعنيني
سألني لو حصل وان شفت خلّك مرةٍ صدفه
نظرت لوجهه الشاحب وكنّ الموت حاديني
وقل أقصر سواليفي معه ما دامها صلفه
وافرق شمل هذيك الستاير كان يمديني
لقيت إني وحيد وكل ما حولي لقى حتفه
ولا باقي إلا صوت الظلام اللي سكن عيني

[/poet]