(( أمـــــــــــي))
موقف لشاعر امل ان يحوز على رضاكم

[poet font="Simplified Arabic,4,white,normal,normal" bkcolor="black" bkimage="" border="none,2,gray" type=0 line=200% align=center use=ex char="" num="0,black"]
((أمي))

شاعره من قلة الحظ جت يمي= بليلةٍ من سوء حظي كنت ساهر

ليلةٍ زاد المديح وقل ذمي= واهتفولي لين اتعبت الحناجر

صفقوا لي لين قال الشعر عمي= صرت عم الشعر واوطان المهاجر

قربت والرمح بالعين متحمي = قالت اغراني قصيدك وانت شاعر

حسنها نوخ كلا مي وسط فمي= ارتبكت وقلت عن اذنك بغادر

قالت اصبر00 والتفت وقلت سمي= قالت اقعد بس دقايق00 قلت حاضر

قالت اقراء كل احلامي وهمي= قالت اقراء كل شعري والمشاعر

مدت اوراق00 وتيبس كل دمي= بذمتى ماظل دمٍ للخناجر

واستحت كفي00 وردت وسط كمي= كن اصابعها عيونٍ بس تناظر

قالوا ان الجوع بالوقت متسمي= كافرٍ قلت الحيا مليون كافر

قالت اقضب واستحيت وزاد غمي= قالت اقراء 00قلت لا 00 ماني بقادر

كيف ابقرأها وانا انسان امي= ماافك الخط واشعارك دفاتر


[/poet]


للشاعر العزيز ابو طلال اعجبتني وحبيت اخذ رايكم


تحياتي للجميع

FAISAL