مهموم ..اعاني من صداع..ومفرداتي ضايعه
بين التعرج.. والغضب ..والخوف ..اعيش بدون خوف
اوراق معها اشلاء من اوراقٍ قديمة.. رايعه
اكسرّ الفنجان وابحث عن نقاط وعن حروف
واقراء لي اقلامٍ جفاها الحبر وامست جايعه
تشكي غبارٍ فالمرايا والزوايا والرفوف
واملا فراغ الفكر لو حتى بفكره صايعه
وآقف على برج الصبر وادور افكاري واشوف
وليا اقبلت فكره وقلت:اهلآ ..وقالت: شايعه
طوفتها لو كان ما ودي على برجي تطوف
وارجع واعاني من صداع ومفرداتٍ ضايعه
واعيش مابين التعرج والغضب.. واموت خوف
تعليق