يعجبني فية البصاطة
قصيدة أمي

فكرة رائعه اخي hgold2000
وجديده ارجو المتابعه
واعطائنا بعض من قصائده لو ممكن
وانا يعجبني فيه العاميه والعفويه
وانتظر منك الكتابه من كلماته اخي
مشكور على فكرة المشاركة اعجبتني كثيرا !

فمان الله ياغلى ماسكن قلبي فمان الله
فمان الله من شخص اظنك صعب تنسينه
فمان الله ياول حب عاشه خالد بدنياه
يعرفك زين وانتي يا بعد عمره تعرفينه
اجل يومه طفل من غيرك الي ضمه ورباه
اجل من تعبك الين ما كبر وانتي تربينه
اجل من قال خل نفسك عزيزه والهوان اجفاه
توصينه على العز وعلى الفزعه اتوصينه
اجل من دلل ورضى غروره حال يوم اغلاه
تهنينه اليا من صاب وان اخطا تعذرينه
اجل يكويت من غيرك خذا بيده ومن خلاه
يكافح لين يلمس ابعد النجمات با يدانه
اجل من شجعه يوما قصد غيرك وقال الله
حفظتي كل شعره من كثر منتي تحبينه
يا أم الخير ما مثلك مثيل ولا اظن اشباه
عزيزه دار عز ومن نوا عزك تعزينه
فقير الجاه لامن صار وصلك صار عنده جاه
وفقير المال لا قاربك والله لتغنينه
انا يكويت من حشمت ترابك ما احب اطاه
احسه طاهراً والطاهر ليا دسته تهينه
انا توي دريت ان المفارق كايده بلواه
وعرفت ان المفارق ينعذر لا دمعت عينه



والله انا صيرت ابكي حبيبيتي يوم سفرت ورغم اني كنت اعند البكى بس صدق لما قال
انا توي دريت ان المفارق كايده بلواه
وعرفت ان المفارق ينعذر لا دمعت عينه



انا سعودي ولكن هذا احد ابداعاته واتمنى تكون وصلت لقلوب الكويتيين مثل ما خلتني اعشق الكويت من كل قلبي مع العلم احب كل الخليج والعرب
والجاي اكثر

الله اكبر بس لمن الواحد يحس انه ضعيف وان حبيبه ممكن ما ينتبه له

جيت ابا احسب اللي راح واللي بقالي والحق اللي بقى قبـل اتحسف عليه
بين نفسي وبيني قلت ابا اشوف حـالي بانتبه للزمان اللـي اناتهت بيه
واحسب اللي كسبته واحسب اللي غدالي كنت جالس وفكري كـل طاري يجيــه
لين رديت مع فكري لــــذيك الليالي وقمت اقول بندم وشلون راحت وليه
ليه راحت هنوف عندها كنت غـــــالي وهي بعد من غلاها اغلي الي تبيـه
كنت طفل وهي طفله حشا ما نـبـــالي نرضي اللي نبي ونزعل الي نبيــه
كنت امالها بالضبط تشبه امـــــالي ما ترجيت شي وإلا وهي ترتجيــــه
والله اني لذاك الوقت تاله وســالي كنت حتى الشعر لعيونهــا مبتليه
لو اسوي بويت رحت اسابق ظــــــلالي ماقدراصبراجي مسرع واقول اسمعيه
واتفيخر واقول اقري كتبته لحـــالي بيت مكسور ما يجبر واقول احفظيه
لين راحت وصار الشعر هو راس مــالي اشتكي منه واشكيله وارد اشتكيه
علها لاقرت شعري تعرف إلي جــــرالي مير اخاف اصدر الديون ما تشتريه

طاير من الفرحة طاير
وقلبي على نار ناطر
ثير من الشوق ثاير
وحشني شوف الكويت
مدري شقدم هديه
كل شي اشوفه شويه
هي نجمت الشرق هيا
وهي عروس الخليج
لكويت مني وفيني
مكانها وسط عيني
ابيها وهي تبيني
وهذا الحكي من زمان

اغنيه للحين تطربني وكلمات جميلة الغريب اني سعودي وعلى لحن اغنية للكويت انطرب
اه بس اه ولكن حبي للخليج اكيد كبير وهذا الي اكتشفته بعد هل الاغنية