عزيزي الوهيبي ..
هلا فيك ..
بس وش بداية الكلام هذي ..
الظاهر إنك نسيت تنقل الموضوع .
تحيّاتي لك .

جلال الخالدي

هذاك أول كلامي يا جلال .. كنت أجرب المايكرفون !! خخخخخخ

وهذي القصيده :

أبيك في كلمة ، لو هـــي خطأ ، تغفر لي الزلة
وردتك ظامي وان عز وصلك فاقطع حبالـــي

احبك ذا ترى أول كلامــي .. وآخره... كلـه
ولكن ويش يضر اليوم لو تدري عن احوالــي

وخذ ما جازلك من هالحكــي واللي تبي خلـه
انا لا قلت ما في خاطري والله ما ابالــــي

ظلال العاشق جروحه ومن ما يتبعه ظلـــه
امانه يا شعاع الشمس لا تغضب من ظلالـي

وتقدر تطوي الدرب البعيد ... وتقدر تفلــه
ولكن صعب تمنع فالهوى صبري وترحالـي

وتقدر تغمد السيف الرهيف .. وتقدر تسلـه
ولكن عند خلاق البريه .. علم الآجالــي

متى عمرك سمعت بعاشق قد مات من غله
هذاك الحاسد وراعي الهوى تتلفه الآمالـي

حبيبي من يعزك في الهوى ما تقدر تذلـه
ترى قربك يزيدك بالغلا وان عفتني غالي



بــــــدر بن عبدالمحســـــن
=========================

مشاركة جميلة منك يا الوهيبي زي نكاتك ...واختيار جميل جدا

شكرا كورفت ... مع إني ما أحب أكثر من المواضيع العاطفية لكن المشاركه في قسم الشعروالأدب ضروريه ... الواحد يرتقي شوي ماهو كله نكت .. والتغيير زين .. وبهالمناسبه أحب أشكر المشرفين على جهودهم .

هلا بك يالوهيبي

قصيده جميله جدا ... اختيارك راااائع يالوهيبي..
تسلم إيدك ..
وزي ماقلت المشاركه هنا ضروريّه ومطلوبه من الجميع ...
اكتبوا ماتحبّون من القصائد والنثر والمواضيع الأدبيه ...
خـــــوذوا راحـــتــكــم
وحياك الله يالوهيبي .. وننتظر منك أكثر .. وترى مكرفوناتنا على طول شغاله
وكل يوم نسوي لها شيك أب .. يعني مايحتاج ..ههههه

جلال الخالدي