لا تعتذر مالك بقلبي مكانه حل الفراق ولا بقالك معاذير
قلبى سمح ياللى تخون الامانه ولا عاد لك قيمه ومنزل وتقدير
صدمتني ساعة كشفت الخيانه وقدام عيني صرت (محقور) وصغير
مادام عيني هى دليل الادانه
ماظن لك عذرٍ يسامح وتكفير وشلون خنت اللى حواك بحنانه
وأهداك عمره والسهر والتعابير
أعطاك حبه والوفا والميانه
من غير منًه ماعطالك وتقصير
روحى بلا تجريح منى واهانه ولا بد ما تلقين جرحك مع الغير
يشوم عن طاريك حتى لسانه
ويشوم عنك الفكر قبل التفاكير
حبك خطا عمره وغلطة زمانه
ما راح يغفرها مع الوقت تبرير
منتى بكفو اللى وهبلك كيانه
يافاقده للحس والصدق والخير
لكن غدرك ما كسر عنفوانه
ثابت ثبات الجذع بين الاعاصير
كلٍ على أصله وطبعه رهانه
وأنا عزيز النفس بين المناعير
لا بد مالقى فا الغنادير دانه
تملى عيونى عن جميع الغنادير
منقول
تعليق