لعلني سوف اغدو اكثر شجاعة مما تصورت واوثق للمتعة والالم هذة القصيدة للاخرين الذين لا يتعدون ضلوعي ..انسجتي المحنطة للالم والغياب!
***************

قصيدة ( كذا عرسك)
اتصـّور.. تمريني جنـازة ليلة الفرقا وزفاف الحـزن والدخله ..كذا عرسك!
وانــــا واقف على ركن الطريق ولا بقى فيني مكان ٍ يحتضن هالمشهد المؤلم
انادي بالدموع اللي تسافر خلف هالليلة الحزينة وصورتك.. لونك.. دفا.. حسك
ولا القى سوى بعض الغبار اللي تناثر يـــوم مروا يحملــوا نعشك ولا اتكلم
هناك انتي تناجيني وادري انك تحبيني كثر شعري وكثر مـــا تكرهي نفسك
وانك ما بخلتي بشي غير ان الزمن طبعه مع العشــــاق ساعة عدل ..ليلة ظلم
تمريني واناظرصورتك خلف المرايا والمرايا شاحبةوالريح ريحة ياسمين ومسك
عروسة ولعنبـــو هذا الزواج ولعنبـــــــو هذي المرايا وريح هذا السم
حياتي والسنين اللي مضت والعشق والاحلام وافراحي واحزاني صعب لمسك
صعب اني احــــــاول اقترب منك ..صعب اني احاول ابتعد عنك وكلك هم
تغيبي وذكـــــرياتك ما تغيب ويبقى شي اسمه النصيب وبرجي ونحسك
ونبعد وانتي شريـــــاني وانا نبضك اقـــــول انساك اغالط نفسي اتوهم
تمريني ويصبح هالطريق اقوى من احزاني يحاول طرحتك يالمبعــدة يمسك
يحــــــاول يوقف الرحلة يريد يرجعك طفلة ينادي والجنـــــازة صم
يحـــــاول يوصل حدودك يحاول يجري باحلامي ويتقفّا اثر همســـك
حسافة والطــــريق يرد لي من رحلته من غربته اعمى واصـــــم وابكم
وانا لو قلت لك مبروك او حتى فمـــان الله او حتى رحمك الله في عرسك
عزاي اني احبك موت.. عزاك انك ..تحبيني عــــــــزانا كنت بس احلم!
******

كتبت على الباب!