لو جميع انسان ماحصّـل المطلـوب قـال
قسمـة(ن) ٍ لا الله قسمهـا ولا الله قالهـا
كـان ياليـل الهواجيـس ماضّيقـت بـال
وكـان شرهيـن الامانـي ماهـذا حالهـا
الرجيم ليا لقالـه علـى ابـن ادم مجـال
قام يلعـب بـه بغـب الهجـوس وجالهـا
لي ثمان سنين واكثر وحال القلـب حـال
والمحاجـر نومـة اللـيـل ماتحلالـهـا
وان هداها الله ونامـت ثلاث,اربـع ليـال
عـوّدت للسهـد والوسوسـه واهوالهـا
مغريات العصر ,وظروف وقت,وهجر طال
ظيقـت بالـي عسـى الله يضيّـق بالهـا
ويش اسـوّي بالمقاديـر يابنـت الحـلال
حاجةٍ مـن عنـد ربـي وانـا مااحتالهـا
اطلبيني مااستطيـع افعلـه وأمـا المحـال
النتيجـه صفـر تطلـع بكـل احوالـهـا
ليه احاول وانتي اصبحتي اقـرب للخيـال
كم حبيـبٍ مـات لـه غايـةٍ(ن) مانالهـا
قلتي(اسرف بالسهر) طعتـك بليّـا جـدال
قلتي (ادمـع) والمحاجـر همـل همالهـا
قلتي (احزن) والحزن صال في قلبي وجال
قلتي(اذكرنـي) وذكـراك ماحـدٍ زالـهـا
كـل هـذا مايقربّـك ياصعـب المـنـال
ياهـنـوفٍ هبلتـبـي بـقـلّ وصالـهـا
قمت اهذريبك واناديك واقول :الوصااااااااال
واعذاب اللي رغب رغبـة(ن) ٍ ماطالهـا
انتي ابعد من طموحـات عشّـاق الجمـال
وانتـي اقـرب للعشاشيـق مـن عذالهـا
دام هذي هـي طموحـات عقيّـل الرجـال
المهبّـل يااتلـع الجيـد وش يبقالـهـا؟؟
لو حبيبك كل ماحـس مابـه حـلّ قـال:
قسمـة(ن) ٍ لا الله قسمهـا ولا الله قالهـا
كـان ياليـل الهواجيـس ماظيّقـت بـال
وكان نفس اللـي شقابـك ماهـذا حالهـا
تعليق