الله يعينك .. والليالي تداويك .. ماجاد لي حظٍ سعيدٍ به ألـــــــــــقــــــاك
هذا القدر اللي بلاني ويبليك .. شي انكتب صعـــــبٍ تغيّــــــــــر بيمناك
هي غلطتي إني عرفتك بتاليك .. ثم أنتهى تالـــي شبــــــــابي وأنا أتلاك
واللي يلوموني بـــحبك وأنا أغليك .. مايعرفون إن الـــــــــــــغلا سر بلواك
مايعرفون إن الحلا بين أياديك .. في رقتـــــــك في طيبــــة القلب محلاك
وأنا أشهد ان مافيه شخص يساويك .. ولا شفت واللـه مثل طبعك ويسواك
وان الشرف تـــــحتك وفوقك يعليك .. وان الطهر عن ساير الـــــناس علاك
وانك وحيده ، نادرة ، في مباديك .. وان الليالي ماتغيره مـــــــــــــــبداك
أدعي لمن مثلك عسى الله يهنيك .. ودعي يعين الله عليلٍ وخـــــــلاك
وأرجي عســى ربي يفرّج بلاويك .. والله يجازي من على الهم يبـــــلاك
تعليق