النصيب . . .
النصيب
إن كان قصدك غلا فانا لكم مغلي
. . . . . . . . . . . . . . وان قصدك كـبر الله هـو العالـي
وان كان قصدك دلع ما فيه أنا مثلي
. . . . . . . . . . . . . . وان كان قصدك زعل أفديك أنا بحالي
وان كان قصدك عتب لا تذهبي عقلي
. . . . . . . . . . . . . . روابعي كثرت وانا اللي منك مهتالي
وان قصدك حيا لدي ترى المبـلي
. . . . . . . . . . . . . . تكفيه نظرة وفـا في كل الأحوالـي
ابـجاه ربٍ تقـوم للوجهه مصلي
. . . . . . . . . . . . . . على سنة المخـتار ترضى وصــالي
قالت هقيتك بـس راعـي تسلـي
. . . . . . . . . . . . . . عشر السنين ادرجت وأنا أبني آمالي
هاك الليالي انقضت منها انقطع حبلي
. . . . . . . . . . . . . . ويـن أنت قبل الياس يفني رحـالي
طارت طيور برزقهـا والقدر لـي
. . . . . . . . . . . . . . ساق النصيب وكل من لـي دعا لي
واقفت بعبرتها وانـا فـي محلـي
. . . . . . . . . . . . . . محتار أنـا فـي حلم وإلا خيــالي
وايقنت بان الموت عقبه وصل لـي
. . . . . . . . . . . . . . ونا ديتهـا بصوتٍ يهز الجبــالي
قولـي خبل صدقت مزحـي ودلي
. . . . . . . . . . . . . . أنت الوحيد اللي يفك الخبــا لي
ويوم اختفى زولها وعلى الجمل زلي
. . . . . . . . . . . . . . ودعت ذيك الحزوم اللي على بالي
ولا نيب لايمها هذا مـا حصل لي
. . . . . . . . . . . . . . وأنـا الذي ضيعتها من اهبــالي
* * * * * * *
* * *
*
* * *
*
.gif)
تعليق