هنا في مملكة صمت الشعور ودمعة الاحـزان
هنا ياسالفة عمـر المكـان وضيـه ونـوره

هنا شفتك مثل حلما كانك من ملـوك الجـان
تمري داخل انفاس الغرام وتسكنـي شعـوره

قريتك من نظر عينك وقلبك مابعد لـي بـان
واحسك من نظر عينك شقيه وبنت مغـروره

شعوري ماخدعني يوم ولاظني بعـد غلطـان
اجل وشلون لا شفتك وتهت بعالـم الصـوره

ياخوفي ينكسر داخـل غرامـي كبريأانسـان
واموت من الوله واقف على اطراف تنـوره

دخيلك خففي عني جحود الحـب والعصيـان
دخيلك لا تخلينـي مثـل مـن ينتهـي دوره

كفايه اني من عنادك شربت الذل والحرمـان
واحس اني وسط قلبك وانا في ارض مهجوره

كأني ماخلقـت الا الملـم باقـي اللـي كـان
وانا قلبي مع قلبك جروحـه تلغـي حضـوره

الا ياساكنه بين الضلـوع وروعـة القيفـان
دخيلك كفني قلبي بنبـض الشعـر وبحـوره

وعودي بي الى صمت الشعور بداخل الجدران
مدام الصمت مايقبل يضـم ابيـات مكسـوره

وتعالي جربي حضي وهدي ثـورة النسيـان
تعالي لعنبو جـدك علامـك ليـه مغـرووره

علامك شايفه روحك علا بالك انـا خسـران
انا ديره من احلامـك وبالاشـواق معمـوره

انا كلي وطن روحك ونبضك داخلـي اوطـان
وجرحي داخلك ينزف ولا حصلـت دكتـوره

تعبت اضمد اجروح المكان ودمعـة الوجـدان
تعبت اكذب على نفسي واقول البنت معـذوره

نسيت اني مجرد شخص يلملم داخلك احـزان
ونسيت انك مثل ظلك وبالاعـذار مشهـوره