الشتاء والحزن والليـل الطويـل
...................والمفـارق والدمـوع السايلـه !!
والتعاسه والحظوظ اللي تميـل
...................ماعصتني !! مير دايـم مايلـه ؟!
من ثلاث سنين حطت بي وأشيل:
...................هـم بقعـا والمصايـب هايلـه !!
كبرتني لعنبوهـا ألـف جيـل !؟
...................وكل حمل ٍ فوق متنـي شايلـه !!
لين شفتك والامل كنه خليـل ؟؟
...................مايفارقـنـي ودايــم نايـلـه !!
لو تحل القلب !! ماهو مستحيل ؟
...................ليش لا !؟ وانت الفريد ستايلـه !!
صرت اشوفك وين ماعيني تخيل
....................وصرت كنك نور شمس القايله !!
لا لفاني منك مكتوب ٍ هزيـل !!
....................قمت أرحّب مرحبـا يـا رسايلـه
لا تخليني بعد شفت الحصيـل ؟
....................من رسايل !؟ كيف لو هي زايله ؟؟
وان نويت الصد خذ مني جميـل
....................بيت واحد !! واذكر اللـي قايلـه :
لو تخل العقل !! ماهو مستحيل ؟؟
....................ليش لا !؟ وانت الفريد ستايلـه !!
القصيده لشاعر
خالد بن جنيح
تعليق