نسيتني
نسيتني علمني وشلون ابنســــاك ** في هالزمن نسان الاحباب عـادي
وشلون لامرت على البال ذكـــراك ** وطيفك سرق مني لذيذ الرقـادي
وشلون لا قالو لي الناس وش جـاك ** من كنت في لذة منامك تنــادي
وشلون اعيش اللي بقالي بليــاك ** لامن غدينا كل واحد بــــوادي
لو قلت اداوي جرحي اللي تباطاك ** ماكل جرح يفيد فيه الضمــادي
اعلنت حبك لين كلن تمنــــــاك ** غلطه وغيري من خطاي استفـادي
لو لي مثل قلبك تمنيت فرقـــاك ** واكيد قبلك بالجفا صرت بـادي
حلوه عذاريبك وحلوه مزايــــاك ** حتى بيوم افراقنا كنت هــادي
كن الليالي ودها تكسب ارضـــاك ** وانا يطول مع ليالي جهـادي
في ذمتي ماهي غريبه خطايــــاك ** مبطي وقلبك لو تنبهت غـــادي
سهله على من كان مثلك وشــرواك ** مثل الثياب يغيرون المبــــادي
علمني اكره ذكرياتك وطريـــــــــاك ** ونسى من الليله صدوق الودادي
ولاني بقايل عقبها كيف ابلقـــاك ** راضي لو ان جروح قلبي جـدادي
ولا القصايد جعلها من فدايــــــــــاك ** لبستها مبطي ثياب الحــــــــدادي
باكر على المخطي يدورون الافـلاك ** ونشوف من يصعب عليه البعـادي
.gif)
تعليق