أول كنت أغفر لك غلطاتك وزلاتك
أول كنت أغفر لك غلطاتك وزلاتك
للشاعرة ساره الهاجري
وأقول العيب هو فيني وآثاري العيب كله فيك
جرحت القلب يا قاسي كفاية زدت غلطاتك
نسيت اللي عشان الحب كانت دايم ترضيك
خلاص إنسى هديل اللي تتبع سير خطواتك
خلاص القلب يا عمري تعلم ما يبي طاريك
خسارة كنت أحسب الطيب والإخلاص في ذاتك
خسارة كيف تترك طفلة من صغرها تغليك
وجيت اليوم تطلبني تبين همك وآهاتك
عيا لك لو أنا شفتك بتضعف قسوتي وأجيك
أمانة لا تعل قلبي بنوحك لي ورجواتك
حبيبي انتهى لعبك حبيبي انتهى ماضيك
مادام انك تعرف انك مو قد كلماتك
علامك رافع نفسك تهدد ثم تقول أبيك
عرفت الحين قدري يوم ذوقتك حسراتك
عرفت الحين قدري يوم إني أنا ما أبغيك
على وجهك أشوف الهم وأشوف نصب دمعاتك
وأحس انك بعد نادم على اللي قررت تجفيك
ابد ما هي صغيره يا حبيبي فيني سواتك
تركت القلب ما بين الجفى والصد والتشكيك
أعلمك كيف تتجرأ علي بكلماتك
وعلى كل الذي سويت أنا والله ما أخليك
للشاعرة ساره الهاجري 
تعليق