قصيده بين شايب وعجوز تضحك
قصيدة تموت من الضحك
_______________
الشيبه:
قلبي شباب ولازم اني اعرس...مابي العجوز اللي توسد على الباب
الخير واجد وماني مفلس...عندي فلوس تدعم البنك في الحساااب
العجوووز:
ماباقي منك غير خشمك وهالضرس... تبغى تعرس وانت غادي شالغراب
قابل صلاتك الله يشفيك من المس..ولا ترى بكز بوجهك بالترااااب
الشيبه:
انتي عجوز واكلك الروب والخس...اماا انا ماكل سوى تكه وكباب
مافيني سكر غير ضغطي نازل بس...دام الهوى فيني ترى كل شي طاااب
العجوووز:
لا بارك الله فيك يالشيبه يالنحس...ماتجيبك الرمسه ولا يجيبك اعتاب
قصر لي صوتك ماابي اسمع ولا حس...عطني طلاقي وانقلع وقبض الباب
الشيبه:
دومك نحيسه والسانك يبيله قص ويبس... ربي ترى حلل لي اربع بالكتاب
هذا خميس الاعمى ياكم عرس...مرتاح بالدنيا بلا هم واعتاااب
العجوووز:
بطران وراسك كالصخر يابس ... مالوم طبعك يوم ربعك هالكلاااب
غادي شرا الارجل ودومك تتحيس... استح على وجهك اصلع ولعااااب
الشيبه:
فكيني من وجهك ترى مالي اي نفس... زهقان من شوفك وابقالي احباب
هذا طلاقك طالقه اربع وخمس... شلي طلاقك من ضميري بلا حسااب
العجوووز:
مشكور يالشيبه ومن دون اي دس... عندي حبيب ماابتعد لحظه ولاغاب
يشريك ويبيعك تراه باثمن وبخس... ماتسوى ظفره حلو اسمر وجذااب
الشيبه:
يالله قبل لا اموت منك وأغطس... طلعتيلي قرنٍِ وراسي بعد شااااب
ياشينه البرقع ترى قدرك اختس... عجوز لك في الدنيا خلان واحباب؟!
العجوووز:
مثلك تراني وهذا لك في العمر درس... لاني اميز بين شيبه وشياااب
ولا نسيت اني على الموضه اللبس...ماعلموك اني بلا شيله وحجااااب
وسلامتكم
هـههههههههههههههه
الله المستعان مخرفييـن
مماعجبني واتمنى تعجبكم
مماعجبني واتمنى تعجبكم
تحيتي
تعليق