اسمعوا يا ناس قصتي ويا الدهر
اكل مني العمر وشيب لي الشعر
هوايا عشكته قبل ما يشوفه النظر
بقيت انتظره على احر من الجمر
بحلمي اشوفه كل يوم وبعين الكمر
مو كل شي تتمناه تلكاه سنة البشر
دهدرلي الوكت غصة بالحلك وقهر
متوهم يادهر مو حلمي هذا المنتظر
ما يعرف يحب وبجاني على القدر
عطشان للعشك ظليت طول العمر
فجأ شفت كدامي حلمي الأولي يظهر
شفته وعرفته أني جنت اله انتظر
هو هذا عشك روحي من دون البشر
زكاني العشك وارتويت منه الثغر
اخذ كلبي وانطاني كلبه لأخر العمر
وين جنت يا بعد الروح موتني القهر
صرت مدمن بيك حبك اشربه واسكر
اذا يوم ما اشوفك احس نفسي تتدمر
اذا شفتك تتألم عيني تبجيك دم وتنهمر
فديتك بنفسي وكل شي والله ما اتأخر
من تريد مني شي لو بس ايدك تأشر
روحي صارت بايدك وانت تتأممر
حبي الك كل يوم يتجدد ويزيد ويتجذر
اشو حبك خفت وتكول حرام نتعاشر
كمت تحسسني تريد تبعد مني وتهجر
شنو ذنبي وياك كلبي طك من الكدر
لا مو انت انطيتني وعد لا لا تبرر
حبي اني انتظرتك طول عمري واكثر
لا تفجع كلبي بيك وتخليه ينتحر
كلبي اني صرت لك السما وانت البحر
لا انت تكدر بلا حبي ولا اني استمر
هذا قدرنا يا حبيبي الحب انكتب واثر