اخواني هذي قصيده قديمه وهي من بداياتي اتمنى تنال الاعجاب واسمحو لي لو لاحظتوا شي فيها لانها كانت بدايه 0
اعتقد مابقا عندي وعندك حلول

كل ماقلت احاول طال معك الجدال
$$$$$$$$$$$$$$$$$$$
انتهى كل شي ولابقا غير اقول

قبل اودع هوانا فيه عندي سوال
$$$$$$$$$$$$$$$$$$$
الليالي صفاها ليش عيا يطول؟؟

وش بلاها تكدر صافيات الليال
$$$$$$$$$$$$$$$$$$$
الليالي زعوله وانت طبعك زعول

ليش تقطع كلامي كل ماجا مجال
$$$$$$$$$$$$$$$$$$$
رغم هذا غرامي صاغ لك عقد لول

زيّـنه عنقك اللي مثل عنق الغزال
$$$$$$$$$$$$$$$$$$$
لاتصد ابغرامك يالغزال الجفول

تحسب ان التصدد بالغلى راس مال
$$$$$$$$$$$$$$$$$$$
ياشبيه المها حالي بداه النحول

والمشاعر توفت بين رووح وتعال
$$$$$$$$$$$$$$$$$$$
بعدبكره يكمل عمر فرقاك حول

ليت عرفّك قبل موته تمادى وطال
$$$$$$$$$$$$$$$$$$$
وارقصي فوق قبره مع هدير الطبول

واعزمي كل عاشق واعلنـيه احتـفال
$$$$$$$$$$$$$$$$$$$
وعقب ترضى غرورك فيه ساعة ذهول

تعرف اني ضربت لحبك اروع مثال
$$$$$$$$$$$$$$$$$$$
وارفض النظره اللي منك جتني رسول

عش عذاب الضميرولاتحرى وصــال
$$$$$$$$$$$$$$$$$$$$
ودي ارضي غروري في عذاب الجهول

لو اسوي ما اسوي فيك اظنه حلال
$$$$$$$$$$$$$$$$$$$$
ادري اني هواك وعندك القا قبول

بس طيشك رسم لك فوق عينك ظلال
$$$$$$$$$$$$$$$$$$$$
اقنعي عقب زال الظل بايّـت حلول

كل شي(ن) مضا وانهيت طول الجدال
@@@@@@@@@@@@@@@@@@@@@@@@@@

وســـــــــــــــــــــلامــــتـــكــــم

واسمحوا لي على القصور

لكم تحياتي