الله حكم يازيـن بينـك وبينـي
دعيت ربي واستجاب وسمعهـا
********
من عشرتك جفت منابع حنينـي
والنفس ماتقبل عشيـرٍ خدعهـا
********
حتى النظر ماتقبله فيـك عينـي
صورتك من عيني خداعك نزعها
********
حتى ايش لو بالحلم طيفك يجيني
ماعاد تشكي له عيوني جزعهـا
********
ولاعاد اسولف له بخافي كنيني
هجرك قتلني والضماير مزعهـا
********
لاوا حسايف مدتي لـك يمينـي
ياليت ربي فـي ثوانـي قطعهـا
********
مديت كفي لك واحسبـك تبينـي
شيٍ بقلبي لـك يمينـي دفعهـا
********
من عقب ماجا منك لاترتجينـي
قلبي عزيز وعنك نفسي رفعهـا
**********************
أغاريد السعوديه
أغاريد السعوديه
تعليق