مرثيه في الراحل الفنان الكبير فهد بن سعيد رحمه الله وحيد الجزيرة والفنان الاول لفن الشعبي
مرحوم من تاب وترك رحلة الفن
يارب تقبـل توبتـه وأحسناتـه
يالله تبدل مسكنه خيـر مسكـن
من ماسكن به في توالـي حياتـه
يالله تعوضه الرضا منك وأحسـن
حيثك عطوف ورحمتك هي مناته
مات السعيد ويوم الاثنين يدفـن
شاع الخبر يوم الأحد هو وفاتـه
يا كثـر ماهـز المشاعـر ولحـن
يومه وحيـدٍ للطـرب ومنياتـه
يومه وحيدٍ للجزيرة علـى الفـن
محدٍ وصـل شعبيتـه واقدراتـه
يا كثر جمهوراً على نغمتـه حـن
ومن وين ما يذكر يجون أحفلاتـه
ويا كثر من تدمع عيونـه وهلّـن
صوته حزيـن ويجرحـن أغنياتـه
ويا كثر منهـم صفقولـه وممتـن
هنيّ من يهرج معـه هـو غناتـه
جيله وجيلي وعقبنا أجيال يلفـن
ماظنتـي للفـن يوجـد سواتـه
خمسة عشرعاماً ترك فنـه أفطـن
هـداه ربـي عالمـاً وش خفاتـه
أصبح بنظرات الكثيريـن منجـن
تنكـروا ياكثرهـم بالشمـاتـة
شعّار واللي لـه قريبيـن بالسـن
أرفاق دربه ماهناهـم هنـا تـه
عنه تخلوا ساعـة الظيـق وأفتـن
اللي مكاسب عيشهم بأ حسناتـه
بيـده يمـد وعنـه أيـدي ردن
خلوه خـلان الرخـاء بزفراتـه
واللي له أبد وبالوعد وأحسن الظن
أصبح وعدهم من ظمن ذكرياتـه
راح السعيد إنسان طيب ولا أغتن
ولو دور الدنيا ولا حـداً ثراتـه
دعاء: اللهم ارحم عبدك فهد بن سعيد وادخله فسيح جناتك اللهم آمين
كاتبها واحد ولا تسألوني منه
أتمنى تعجبكم
تحــــــيتي
كاتبها واحد ولا تسألوني منه
أتمنى تعجبكم
تحــــــيتي
تعليق