لا تبتلش فينـي ولا بأبتلـش فيـك
دامك مزاجي طـاري الشـوق خلّـه
والله لــ تبطـي مـا لحقـتـك اراضـيـك
الاتموت ومـا غفـرت الّـك زلـه
الى متـى وانـا احـنّـك وداريــك
وانتـه تعاملـنـي عـلـى غـيـر مـلـه
شقيت صدري لأجل اضمك وادفيك
وطعنت قلبً من زمـن مستحلـه
واحرقت عمري لاجل انور لياليـك
قانوني ان الخل تحت امر خلـه
وكن العمر منّك ابتدى وانتهى فيك
عايش معك فـي دنيـةً مستقلـه
يا كثـر مـا لامونـي الخلـق واغليـك
مسحور ما أدري صابنـي منـّك علـه
صحيتنـي مـن حلمـي اللـي معَليـك
للـواقـع الـلـي حطـنـي فــي مـذلـه
ما دام جرحـي سـار مـا عـاد يعنيـك
خسارة ان الدمع لاجلـك اهـله
ادري احبك وادري اني ابـا ابكيـك
لـكـن والله ما غَـفـرّت الّك زلـه
تعليق