على كرسي الحديقه ..
أحبائي ....
أسعد الله أيامكم ودنياكم ....
كلي أمل بأن تنال هذه القصيده إستحسانكم ورضاكم ...
وأن لا تبخلوا علي بإنتقاداتكم ...
وملاحظاتكم ....
بكل ود ... ومحبه ....
إليكم القصيده ...
الناصريه خذت بالقلب منـزالي
[c]فيها غزال(ن) يشل الطير بعيونه [/c]
رمى سهامه وصاب القلب بالحالي
[c]صوّب سهامه وصرت اليوم مجنونه [/c]
مرّه يتبسم ومرّه داله(ن) سالي
[c]ومرّه يوقف على سطح البلكونه [/c]
ومرّه ثقيل(ن) ومرّه تسمعه يلالي
[c]على صغير(ن) يخاف إنهم يأذونه [/c]
يجي يدنق ... يزمّه .. يرفعه عالي
[c]وعلى خدوده يطبّع أحمر(ن) لونه[/c]
حسنه ذبحني وقدّه عود ميالي
[c]فيه الثمر يحتري منهم يقطفونه [/c]
خدّه سطع .. فيه بانت حبّة الخالي
[c]زايد حلاه وتعدا من يضاهونه [/c]
يمشي يتخزع ويلبس كعبه العالي
[c]والردف يهتز لو يمشي على هونه [/c]
ياويل قلبي ألا ياويلها حالي
[c]ياحمود أنا طالبك يابوي بالعونه [/c]
ياقرب بيته ولا هو فيني يبالي
[c]ولا يظهر إلا وهي السكات مامونه [/c]
قلبي غداله محل وحيل يحلالي
[c]وأنا برجا وصلته ومقابل عيونه [/c]
يدري بحالي كحيل العين محتالي
[c]يالعنبو جد جدّه الروح مغبونه [/c]
حتى البزارين لاشافوه يختالي
[c]مشوا وراه ورجاهم بس يحاكونه [/c]
ياحمود همي صعيبٍ والسهر طالي
[c]لا .. لا تلوم وغلانا ماتعرفونه [/c]
ياعونة الله رزين وجيت بهبالي
[c]يـا حيف يالعاقل اللي ضيّع سكونه [/c]
والناصريه خذت بالقلب منـزالي
[c]فيها غزال(ن) جسور(ن) طحت من دونه [/c]
وسلامتكم
جلال الخالدي
ان شاء الله انك في احسن حال يالغالي . 
تعليق