الســــــــلام عليكم ورحمة الله وبركاته

اتمنى تنال استحسانكم


[poet font="Arial,4,darkblue,bold ,italic" bkcolor="white" bkimage="http://www.sandroses.com/abbs//backgrounds/49.gif" border="double,4,darkblue" type=2 line=200% align=right use=ex char="" num="0,black"]

الحمامه كل ماغرهدت فوق الجريد = ذكرت قلبي زمان(ن) قديم قد نساه

من هموم الوقت جاني كفايه لاتزيد =ماتحمّل زوّد.. والقلب جاله ماكفاه

ياحسين الدل شوفتك عندي يوم عيد = لاتشح بجيتك يكفي الوقت وغثاه

لاتغلى وانت غالي ولو انك بعيد =الغلا في داخل الجوف شيد لك ابناه

تعرف اني فيك مجبوور لوراسك عنيد =قدرك اكبر من طميه وضلعان السراه

وش سبايب غيبتك عطني العلم الوكيد = كل عذر(ن) باقبله ماعدى هرج الوشاه

كيف تسمع هرجة اعداي ياعنق الفريد =صدّ عن هرج القفا لو رواه اللي رواه

من عذابي يادعج العين مانتب مستفيد =لد عينك في غريق(ن) يدور للنجاه

الغريق اللي ملكه الهوى بايعك سيد = قدم افروض الولا رافع(ن) كلتا يداه

ياشبيه الريم يابسمة العمر الجديد =الحياه اللي بدونك ترى ماهي حياه

اشري ارضاك وحنانك عسى عمرك مديد =خاطرك ياسيدي همي الاكبر رضاه

مستعد اعطيك عمري تحطه لك رصيد =ياعسى حالي فداياك ياظبي الفلاه

ضاع عمري في ترجيّك قلي وش تريد =وش نسوي لاجل ترضى ولله السووواه

كل غالي ياسمي المها لاجلك زهيد =في سبيل اللي جماله رفيع(ن) مستواه

لك عيون(ن) كل ماسلهمت لازم تصيد =واعذاب القلب من رمش عينك واعناه

ولك شفايف ورد وايضا ثنايا من جليد =والحلا من بينهن ليت من يقطع ظماه

مابقالك عذر وإن مت باسبابك شهيد =واكتبوا فوق النصايب توفى من هواه

(((( ســـــــيـف الســـــــــــيــف))))



[/poet]


وســــــــلامتكم

واسمحوووا لي على القصووور مع القصيده 00 ومعكم لاعدمتكم