[poet font="Simplified Arabic,4,darkblue,normal,normal" bkcolor="transparent" bkimage="" border="solid,2,darkblue" type=0 line=200% align=center use=sp char="" num="0,black"]





لا حّول يافاتني لا حّول=ياشوق أنا حالتي حاله

مرّت شهورٍ ودار الحول=لا شوف لا علم لا رساله

ويش اللي غيّرْك يالمكحول ؟=وش بك على المنشغل باله

الورد ياساقيه مذبول=والعين تبتسيك همّاله

ياهيه ياهوه يالمجمول=فكّ المقيّد بأغلاله

أرسلت لك يالغضي مرسول=أبطى ولا أدري وش أحواله

إرحم طريح الهوى مقتول=بُعدك وعيناك قتّاله

مسئول عن مقتلي مسئول=كله من البعد وأهواله

القلب فوق النعش محمول=جاله من البعد ماجاله

علمي بك العام ياأجمل زول=يوم العرب شدّت رحاله

الحبل يامفلته منطول=مَحّالتك.. خوش مَحّاله !!

معقول ماأشتقت لي معقول=معقول عن وصلتي داله

ياكمِّ شفنا زريفة طول=وياكمِّ طحنا بمحتاله

غنج ودلع والحلا مقبول=بيضا وسمرا وبعد خاااله !

مار إن حبك بقلبي هول=شيٍّ عظيم آتعناله

أصبر على بعدك ولا حّول=غيرك أنا مالي وماله

قلته ومالي بعد به قول=يالله عسى تلفي رساله

صابر وبُعدك عسى مايطول=ولا تقول أبو حمود ماقاله

وسلامتكم

جلال الخالدي
[/poet]